साउनको अन्तिम सोमवार अम्बिकेश्वरी मन्दिर सरसफाई

घोराही, २९ साउन
साउनको अन्तिम सोमवार अम्बीकेश्वरी मन्दिर परिसर सरसफाई गरिएको छ । नेपाल प्रहरी श्रीमति संघको ४० औँ बार्षिक उत्सवको अवसरमा घोराही उपमहानगरपालिका वडा नम्बर १८ मा रहेको अम्बिकेश्वरी मन्दिर परिसरमा सरसफाई गरिएको हो ।

जिल्ला प्रहरी कार्यालय दाङको आयोजनामा मन्दिर परिसर, बगैचा एवं पिक्नीक स्पट क्षेत्रमा सरसफाई गरिएको थियो ।

जिल्ला प्रहरी कार्यालय दाङका प्रहरी निरिक्षक किसमत बुढाको नेतृत्वमा रहेको नेपाल प्रहरी, द लोटर्स ट्रेनिङ सेन्टर, स्यालुट गोर्खा ट्रेनिङ सेन्टर, द ब्रेभ गोर्खा ट्रेनिङ सेन्टर, द होप ट्रेनिङ सेन्टर, मन्दिर व्यवस्थापन समिति, सामुदायिक प्रहरी सेवा केन्द्र लगायतको उपस्थितिमा सरसफाई गरिएको हो ।

सरसफाई कार्यक्रममा सहभागीहरुलाई घोराही उपमहानगरपालिका वडा न. १८ का अध्यक्ष भरत अर्याल र सामुदायिक प्रहरी सेवा केन्द्र दाङका अध्यक्ष आर.के.शीतलले धन्यवाद ज्ञापन गर्नुभएको थियो । कार्यक्रमको सहजिकरण जिल्ला प्रहरी कार्यालय दाङका प्रहरी नायव निरिक्षक तुलबहादुर बि.कले गर्नुभएको थियो ।