घोराही, ४ साउन
लायन्स क्लब अफ घोराही सिटीको अध्यक्षमा युवा व्यवसायी ओविन्द्रबहादुर महरा चयन हुनुभएको छ । क्लबको बर्ष २०२४÷०२५ कालागी अध्यक्षमा महरा चयन हनुभएको हो ।
नवनिर्वाचित अध्यक्ष महरा नेपाल व्यापार महासंघको केन्द्रिय उपाध्यक्ष, नेपाल नेत्रज्योति संघको आजिवन सदस्य तथा पूर्व कार्यसमिति सदस्य, नेपाल रेडक्रस सोसाईटी घोराही शाखाको आजिवन सदस्य, रोटरी क्लब अफ दाङका पूर्व अध्यक्ष, त्रिभुवननगर जेसिजका पूर्व अध्यक्ष, दाङ जिल्ला उद्योग वाणिज्य संघका पूर्व उपाध्यक्ष, डाँफे सहकारी संस्थाका संस्थापक अध्यक्ष, सामुदायिक प्रहरी सेवा केन्द्रका आजिवन सदस्य र नेपाल सि.एम.ए संघका पूर्व अध्यक्ष भएर अनुभव संगाल्नुभएको छ । महरा हाल होटल माला ईनका सञ्चालक हुनुहुन्छ ।
क्लबको प्रथम उपाध्यक्षमा सनत गिरी, दृतिय उपाध्यक्षमा पुष्पराज आचार्य, तृतिय उपाध्यक्षमा रविकिरण केसी, सचिवमा जिवन आचार्य र कोषाध्यक्षमा चेतन बस्नेत चयन हुनुभएको छ । यस्तै सदस्यता संयोजक भवानी कडेल, सर्भिस संयोजक सुदर्शन गिरी, मार्केटिङ संयोजकमा कमल पुन, एलसीआईएफ संयोजक निराजन गहतराज, निर्देशकमा बसन्त खनाल, स्वास्थ्य संयोजक राजिव योगी, अर्थ संयोजक दिपक सेठी र मिडिया कोर्डिनेटरमा आर.के.शीतल रहनुभएको छ ।
क्लबले शुक्रवार एक कार्यक्रमको आयोजना गरि पदस्थापन कार्यक्रम सम्पन्न गरेको छ । एक कार्यक्रमकाबीच क्लबको पदस्थापन कार्यक्रम सम्पन्न भएको हो । क्लबका बर्ष २०२३÷०२४ का अध्यक्ष विवेक आचार्यको अध्यक्षता एवं लायन्स क्लब डिष्ट्रिक ३२५ एन का गर्भनर पीएमजिएफ बिनोदकुमार श्रेष्ठको प्रमुख आतिथ्यमा भएको कार्यक्रममा बोल्ने वक्ताहरुले लायन्स क्लबले व्यक्तित्व विकाससँगै सामाजिक विकासमा पनि अतुलनिय योगदान गरेको बताएका थिए ।
कार्यक्रममा बोल्दै नवनिर्वाचित अध्यक्ष महराले आगामी एक बर्षमा सामाजिक कार्यक्रमहरु क्लबबाट आयोजना गरिने बताउनुभयो । उहाँले वातावरण संरक्षण, लायन सदस्यहरुको क्षमता अभिबृद्धि कार्यक्रम, विभिन्न सामुदायिक विद्यालयका बालबालिकाहरुलाई मनोसामाजिक परामर्श सेवा र सेनेटरी प्याड वितरण, ग्रामीण क्षेत्रहरुमा स्वास्थ्य शिविर, स्वास्थ्य सचेतना कार्यक्रम, अति विपन्न परिवारलाई सहयोग कार्यक्रम, लायन्स क्लब घोराही सिटीले मावि झिङ्नीमा स्थापना गरेको पुस्तकालयलाई थप पुस्तक सहयोग, बाल शान्ति गृह घोराही ७ पर्सामा सहयोग कार्यक्रम, दैवी प्रकोप प्रभावित परिवारलाई राहत वितरण लगायतका कार्यक्रमहरु योजना अनुसार सम्पन्न गरिने जानकारी दिनुभयो । निर्वाचन अधिकृत तथा निवर्तमान अध्यक्ष पवन योगीले निर्वाचित नव पदाधिकारी तथा मनोनित पदाधिकारीको परिचय सहित पदभार ग्रहण कार्यक्रमको सहजिकरण गर्नुभएको थियो ।
कार्यक्रमा लायन्स क्लबका फस्ट डिष्ट्रिक भाईस गभर्नर एमजिएफ ज्ञानेन्द्रकुमार श्रेष्ठ, सेकेण्ड फस्ट डिष्ट्रिक भाईस गभर्नर एमजिएफ टिकाराम चपाई, डिष्ट्रिक क्याविनेट सेक्रेटरी एमजिएफ टिकाजंग बिके, प्रेस काउन्सील नेपालका सदस्य सदर अधिकारी, नेपाल पत्रकार महासंघका केन्द्रिय उपाध्यक्ष उदय जिएम, नेपाल महिला सामुदायिक सेवा केन्द्रका संस्थापक अध्यक्ष बिमला योगी, ग्रामीण महिला उत्थान केन्द्रका अध्यक्ष आसमानी चौधरी, दाङ जिल्ला उद्योग वाणिज्य संघका अध्यक्ष बसन्त जोशी, नेपाल पत्रकार महासंघ दाङका अध्यक्ष दुर्गालाल केसी, त्रिभुवननगर जेसिजका अध्यक्ष रविकिरण केसी, रोटरी क्लब अफ दाङका अध्यक्ष प्रदीप सुवेदी, दाङ महिला जेसिजका अध्यक्ष जुनकुमारी बुढा, लायन्स क्लब अफ नारायणपुरका अध्यक्ष अभियान बस्नेतले शुभकामना मन्तव्य व्यक्त गर्नुभएको थियो ।
क्लबका प्रथम उपाध्यक्ष सनत गिरीको स्वागत मन्तव्यबाट सुरु भएको कार्यक्रममा स्वास्थ्य संयोजक राजिव योगीले राष्ट्रिय झण्डाको अभिवादन गराउनुभएको थियो । कार्यक्रमको सहजिकरण दृतिय उपाध्यक्ष पुष्पराज आचार्य र सचिव जिवन आचार्यले गर्नुभएको थियो ।