गठबन्धनको संयुक्त अपील– ‘गठबन्धनको बिजय सुनिश्चित छ, ढुक्क भएर मतदान गर्नुस्’

गठबन्धन दलहरुले संयुक्त गठबन्धनका साझा उमेद्वारहरुलाई बिजयी बनाउन अपील गरेका छन् । नेपाली कांग्रेस र नेकपा माओवादी केन्द्र क्षेत्र नम्बर २ दाङ परिचालन समितिले अपील जारी गर्दै गठबन्धनका साझा उमेद्वारहरुलाई बिजयी बनाउन अपील गरेका हुन् । साझा उम्मेदवारहरुलाई चुनाव प्रचार प्रसारका क्रममा जनताको माझमा प्रस्तुत गरिँदा देखा परेको अपार जनसमर्थनले गठबन्धनका उम्मेदवारहरुको विजय सुनिश्चित देखिएको भन्दै अपीलमा गठबन्धनले अघि सारेका उम्मेदवारहरुप्रति जनताले देखाएको समर्थन र ऐक्यवद्धताप्रति हार्दिक आभार प्रकट गरिएको छ ।
निर्वाचन परिचालन समितिका संयोजक भिमप्रकाश खड्का र सहसंयोजक तूल्सी डाँगी (मिलन)द्वारा हस्ताक्षरित अपीलमा स्थानीय तहको निर्वाचनलाई संविधान र संघीय लोकतान्त्रिक गणतन्त्रको रक्षाका लागि अग्रगमन र प्रतिगमनको आन्दोलनका रुपमा लिएको उल्लेख गरिएको छ ।

यस्तो छ गठबन्धनको अपील

नेपाली कांग्रेस र नेकपा (माओवादी केन्द्र) दाङ क्षेत्र नम्वर २
निर्वाचन परिचालन समितिको संयुक्त अपील
संयुक्त गठबन्धनका साझा उम्मेदवारलाई विजयी गराऔं
आदरणीय आमा बुबा, दिदीबहिनी, दाजुभाईहरु

यही बैशाख ३० गते सम्पन्न हुने स्थानीय तहको निर्वाचनमा संविधानको रक्षा र संघीय लोकतान्त्रिक गणतन्त्रको संस्थागत विकास गर्दै जनताका अधिकार घरदैलोमै पु¥याउन प्रतिवद्ध पाँच राजनीतिक दलबीच केन्द्रीयरुपमै चुनावी गठबन्धन कायम भएको छ । दाङको क्षेत्र नम्बर २ मा गठबन्धनमा आवद्ध दलहरु नेपाली काग्रेस, नेकपा (माओवादी केन्द्र) र संयुक्त जनमोर्चाका तर्फवाट साझा उम्मेदवार अघि सारिएको छ । क्षेत्र नं दुई अन्तर्गत दाङको घोराही उपमहानगरपालिका र बंगलाचुली गाउँपालिकामा गठबन्धनका तर्फवाट अघि सारिएका साझा उम्मेदवारहरुलाई चुनाव प्रचार प्रसारका क्रममा जनताको माझमा प्रस्तुत गरिँदा देखा परेको अपार जनसमर्थनले गठबन्धनका उम्मेदवारहरुको विजय सुनिश्चित देखिएको छ । हामीले अघि सारेका उम्मेदवारहरुप्रति जनताले देखाएको समर्थन र ऐक्यवद्धताप्रति हार्दिक आभार प्रकट गर्न चाहन्छौं । आगामी ३० गतेको निर्वाचनमा गठबन्धनका साझा उम्मेदवारहरुलाई मतदान गरेर विजयी गराउनु हुनेमा विश्वस्त रहेका छौंं ।
आदरणीय जनसमुदायहरु
दुई पटकसम्म संसद विघटन गरेको शक्ति नेकपा (एमाले)ले अहिले पनि लोकतन्त्र, गणतन्त्र, संघीयता र समावेशीता जस्ता संविधान प्रदत्त उपलव्धी विरुद्ध ठूलो षड्यन्त्र गरिरहेको छ । यस अवस्थामा हामीले स्थानीय तहको निर्वाचनलाई संविधान र संघीय लोकतान्त्रिक गणतन्त्रको रक्षाका लागि अग्रगमन र प्रतिगमनको आन्दोलनका रुपमा लिएका छौं । २ नम्वर क्षेत्र अन्तर्गत घोराही, उपमहानगरपालिका र बंगलाचुली गाउँपालिकामा हाम्रो तर्फवाट अघि सारिएका गठबन्धनका उम्मेदवारहरुलाई विजयी गराई स्थानीय तहलाई अधिकार सम्पन्न तुल्याउँदै स्थानीय विशेषतामा आधारित विकास, शिक्षा, स्वास्थ्य, रोजगारीको सुनिश्चिततामार्फत् सामाजिक न्यायसहितको समृद्धि हासिल गर्ने हाम्रो लक्ष्य छ ।

हामीले साझा गठबन्धनको तर्फवाट साझा उम्मेदवारी मनोनयन गरेसँगै साझा प्रतिबद्धता पत्र आम मतदाता समक्ष पु¥याइसकेका छौं । हाम्रो साझा चुनावी प्रतिबद्धतापत्रमा कृषिको आधुनिकीकरण, गुणस्तरीय सीपमूलक शिक्षा र रोजगारीको ग्यारेण्टी, नागरिक स्वास्थ्यमा स्थानीय सरकारको जिम्मेवारी, निशुल्क स्वास्थ्य विमा, वडा वडासम्म उद्योग, दिगो विकासका लागि सडक पूर्वाधार, स्वस्थ्य खानेपानी, बैज्ञानिक भू–उपयोग तथा व्यवस्थित विकासको योजना अघि सारिएको छ ।
यसैगरी पर्यटन क्षेत्रको विकासका लागि पालिका स्तरीय योजना, स्थानीय कला–संस्कृति, भाषा र मौलिक पहिचानका लागि विशेष योजना र अभियान, सुसासन र भष्ट्राचारमुक्त पालिका, सार्वजनिक सेवामा सहज नागरिक पहँुच, जनताको गाँस, बाँस, कपास, शिक्षा, स्वास्थ्य र रोजगारीका लागि स्थानीय सरकारको जिम्मेवारी, जेष्ठ नागरिक, महिला, बालबालिका, दलित र अपाङ्गता भएका व्यक्ति तथा अल्पसंख्यक वर्ग समुदायका लागि विशेष अधिकार, स्वास्थ्य तथा राहत व्यवस्थाका लागि पनि स्थानीय सरकारले जिम्मेवारी लिनुपर्ने हाम्रो प्रतिबद्धता छ ।
यसैगरी युवा र खेलकूदको विकास, सूचना तथा सञ्चारको विकास, हिलोधुलो मुक्त पालिकाको विकास, स्थानीय तहका वडा र टोलसम्म कालोपत्रे सडक र सहज यातायात पहुँचको व्यवस्था, अति विपन्न, मजदुर, गरिव किसान, बृद्धबृद्धा, एकल महिलालाई निःशुल्क स्वास्थ्य उपचारको व्यवस्था गरिने योजना छ । यस्तै कृषकहरुलाई कृषक परिचय पत्र, मल बिउको सहज व्यवस्था, कृषक पेन्सनकोे व्यवस्था गरिने छ । विद्युत र खानेपानी निःशुल्क गर्ने हाम्रो एजेण्डा छ । यसैगरी चोक चोकसहित सार्वजनिक स्थलमा फ्रि इन्टरनेट, पालिका स्तरीय सरकारी अस्पताल सञ्चालन गर्नेलगायतका योजना अघि सारिएको छ ।

आदरणीय मतदाता ज्यू
आज राती १२ वजेदेखि मौन अवधि सुरु हुँदैछ । मौन अवधिपछि प्रचार प्रसारका कार्य रोकिने छन् । यसअघि हाम्रा उम्मेदवारहरु यहाँहरुको घरदैलोमा आइसक्नु भएको छ । हामीले अघि सारेका उम्मेदवारलाई मतदान गरी साझा एजेण्डा कार्यान्वयन गर्ने अवसर प्रदान गर्नु हुनेछ भन्नेमा हामी विश्वस्त छौं । त्यसैले आउनुस्, अग्रगमन र प्रतिगमनको यो लडाईंमा घोराही र बंगलाचुली पालिकाको प्रमुख÷अध्यक्ष पदमा गोलाकारभित्रको हँसिया हतौडा चिन्हमा र उपप्रमुख÷उपाध्यक्ष पदमा रुख चुनाव चिन्हसहित वडाका उम्मेदवारहरुका तोकिएका चुनाव चिन्हमा मतदान गरी नेपाली जनताका अधुरा सपना पूरा गर्दै समृद्ध नेपालको निर्माणतर्पm अघि बढौं ।

मितिः २०७९ बैशाख २७ गते

संयोजक– भिमप्रकाश खड्का

सह संयोजक– तुल्सी डाँगी (मिलन)

निर्वाचन परिचालन समिति  क्षेत्र नं २ दाङ