साझा उमेद्वारद्वारा मतदाता भेटघाट तीव्र

घोराही, १८ पुस

यही पुस २० गते हुने दाङ जिल्ला उद्योग वाणिज्य संघको निर्वाचनकालागी साझा उमेद्वारहरुले मतदाता भेटघाटलाई तीब्र बनाएका छन् ।

सर्वपक्षीय सर्वदलीय सहमतिबाट उमेद्वार बनेका अध्यक्षका उमेद्वार टंकसिंह बुढाथोकी र कोषाध्यक्ष पदका उमेद्वार सुशील पोख्रेलले उद्योगी व्यवसायी मतदाताहरुसँगको भेटघाटलाई तीव्र रुपमा अगाडी बढाएका छन् ।

विहीवारदेखी मतदाता भेटघाट सुरु गरेका बुुढाथोकी र पोख्रेलले शनिवार घोराही उपमहानगरपालिका वडा नम्बर ३ र ४ र घोराही बजारका मतदाता व्यवसायीहरुसँग भेटघाट गरेका छन् ।

भेटका क्रममा व्यवसायीहरुले भोग्नुपरेका समस्याको बारेमा जानकार रहेको भन्दै ती समस्या समाधानकालागी आफूहरु लागीपर्ने प्रतिवद्धता व्यक्त गरेका थिए ।

दाङ जिल्ला उद्योग वाणिज्य संघको संस्थागत विकास र व्यवसायीहरुले विभिन्न कारणले भोग्नुपरेको समस्या समाधानकालागी उमेद्वार बनेको भन्दै मतदान गर्न मतदाताहरुलाई अनुरोध गर्नुभएको थियो ।
यस्तै स्वतन्त्र उमेद्वारहरुले पनि मतदाता भेटघाटलाई निरन्तरता दिएका छन् । अध्यक्षका उमेद्वार बसन्त जोशी र कोषाध्यक्ष पदका उमेद्वार चनपति शर्माले पनि शनिवार मतदाता भेटघाटमा व्यक्त रहेका छन् ।