अपहरणपछि हत्या गरिएका रणबहादुरको परिवार भन्छन्ः हत्यारालाई जन्मकैद नहुदासम्म लाश उठाउदैनौ

दाङ, ३० असार
अपराधिक समूहबाट हत्या गरिएका दाङका निर्माण व्यवसायी रणबहादुर घर्तिको परिवारले हत्याराहरुलाई हदैसम्मको कारबाही माग गरेका छन् । अन्यथा उनिहरुले रणवहादुरको शव नबुझ्ने वताएका छन् । घोराहीमा पत्रकार सम्मेलन गर्दै घर्तीको परिवारले अपराधिहरुलाई जन्मकैद हुनु पर्ने माग गरे ।  तुल्सीपुरका व्यापारी राजकुमार श्रेष्ठसँगै अपहरणमा परेका रणबहादुरको पनि हत्या गरिएको थियो । विना कारण रणबहादुरको हत्या भएको भन्दै परिवारले दोषीमाथी जन्मकैदको सजाय र परिवारलाई क्षतिपूर्तिको माग गरेको छ ।

आफ्नो व्यवसायकालागी रुकुम जान लागेको व्यक्तीलाई विनाकारण अपहरण गरेर हत्या गरिएको भन्दै रणबहादुरका दाई गनबहादुर घर्तिले घटनामा संलग्नलाई जन्मकैदको सजाय हुनुपर्ने माग गर्नुभयो । घटनाका सम्वन्धमा प्रहरीले रणबहादुरमाथी विभिन्न आरोप लगाउने गरेको उहाँँको भनाई छ ।
रणबहादुरका वुवा गजमान घर्तिले आफ्नो छोरा विना कारण मारिएको भन्दै उचित न्यायको माग गर्नुभयो । साथै रणबहादुरको श्रीमतिलाई रोजगारीको ग्यारेन्टी र २ छोराहरुलाई निशुल्क स्तरिय शिक्षाको व्यवस्था गर्न सरकारसँग माग गर्नुभयो । जेठ २६ गते अपहरण भएका रणबहादुरको यसको ३ दिनपछि अपहरणकारीहरुले हत्या गरेका थिए । घर्तिको शव सल्यानको झिम्पे जंगलमा हिजो भेटिएको थियो । उनको शव राप्ती उपक्षेत्रीय अस्पताल घोराहीमा रहेको छ ।