बुबाको हत्या गरी छोरा फरार

रुकुम पश्चिमको आठबिसकोट नगरपालिकामा छोराले बुबाको हत्या गरेका छन्। आठबिसकोट नगरपालिका १० घारीखोलाका १९ वर्षीय वीरबहादुरले बुबा ५१ वर्षीय दर्बे केसीको हत्या गरेको प्रहरीले जनाएको छ ।

जिल्ला प्रहरी कार्यालयका प्रहरी निरीक्षक ऋषि पाठकका अनुसार आइतबार बेलुकी वीरबहादुरले बुवाको पेटमा चक्कु प्रहार गरेका हुन्। बुबाको हत्या गरी उनी फरार छन् । उनको खोजीमा प्रहरी परिचालन भएको प्रहरी निरीक्षक पाठकले जानकारी दिए ।

स्थानीयवासीका अनुसार बुबाले कान्छी श्रीमती ल्याएपछि पटकपटक विवाद हुने गरेको थियो। वीरबहादुरको खोजी र हत्याको कारणबारे अनुसन्धान जारी राखेको प्रहरीले जनाएको छ।