घोराही मेयरकपमा वडा नम्बर १० को लगातार तेस्रो जीत

घोराही, २४ पुस

घोराहीमा जारी मेयर कप फुटबल प्रतियोगीतामा घोराही उपमहानगरपालिका वडा नम्बर १० ले लगातार तेस्रो जीत निकालेको छ ।

घोराही उपमहानगरपालिको आयोजनामा जारी वडा स्तरिय मेयरकप फुटबल प्रतियोगीतामा घोराही उपमहनगरपालिकाले तेस्रो खेलमा घोराही उपमहानगरपालिका वडा नम्बर ८ लाई शुन्यका विरुद्ध ३ गोलले पराजीत गर्दै लगातार तेस्रो जीत निकालेको हो ।

वडा नम्बर १० ले वडा नम्बर ८ लाई शुन्यका विरुद्ध ३ गोल गरेको थियो । जसमा वडा न १० का जर्सी नम्बर ७ का निरज पुनले दुई गोल र जर्सी नम्बर १० का मनु न्यौपानेले १ गोल गर्नुभएको थियो ।

जीतसँगै वडा नम्बर १० ले ९ अंकसहित समूहको शीर्ष स्थानमा रहेको थियो ।

यसअघी वडा नम्बर १० ले वडा नम्बर १२ लाई शुन्यका विरुद्ध २ र वडा नम्बर ९ लाई ३ का विरुद्ध ४ गोलले पराजीत गर्दै बिजयी भएको थियो ।
वडा नम्बर १० ले अब लिग चरणको अन्तिम खेल पुस २८ गते बिहान सवा ८ बजे खेल्ने छ ।