कांग्रेस दाङका सचिव डाँगीले भने– ‘सस्तोमा औषधी विक्री गर्यो भनेर बन्द गर्ने कस्तो सरकारी व्यवस्था हो ?’

दाङ, ३ जेठ

नेपाली कांग्रेस दाङका सचिव शंकरप्रसाद डाँगीले कोभिडका बिरामहरुलाई आवश्यक रेम्डीसिभिर औषधी विक्रीमा सरकारले रोक लगाएकोप्रति आपत्ति जनाउदै यो स्वीकार्य नहुने बताउनुभएको छ ।

महामारीको समयमा बिरामीहरुलाई सहज रुपमा सस्तोमा औषधी उपलब्ध गराएकै कारण कोभिडका लागी आवश्यक औषधी विक्रीमा प्रशासनले लगाउनु लज्जास्पद भएको उहाँले बताउनुभएको छ ।

‘कस्तो सरकारी व्यवस्था हो ? यो महामारीको समयमा बिरामीलाई सहजरूपमा, सस्तोमा औषधि उपलब्ध गराउन खोज्दा पनि किन सस्तोमा बेचिस भनी औषधि बेच्न बाट रोक लागाउने । कि कालोबजारी गर्ने, भ्रष्टाचार गर्नेले मात्र बेच्न पाउने हो ? के कारण बाट घोराहिमा आएको औषधि बिक्रीवितरण गर्न रोक लागाइयो ? मानिसको जीवन संग जोडिएको औषधि जस्तो विषयमा नभएका नियम कानुन देखाएर औषधि बन्द गर्ने । औषधी नपाएर कसैको जिवन तलमाथि भयो भने तेस्को जिम्मेवारी त्यस्ता असंबेदनसिल पक्षले लिनु पर्ने छ । कि यस क्षेत्रमा उपचार गर्न आउनेलाई बाच्नं पाउने अधिकार छैन ?’ उहाँले भन्नुभयो– ‘सहजरुपमा सस्तोमा औषधि उपचार गर्ने पाउने अधिकार यहाका बिरामीलाई छैन ? कस्ले दिने हो यसको जवाफ ? जो सुकै, जुनसुकै तहबाट भएको किन नहोस् यो कार्य किमार्थ स्विकार्य छैन । त्यसै त अक्सिजनको अप्रयाप्त बाट कठिन भएको समयमा अझ औषधि जस्तो बिषयमा जालझेल गर्न खोज्नेहरु मानव जिवनका दुस्मन हुन् । त्यस्ता जो सुकै होस, सामाजिक रुपमा बहिष्कार गर्नु पर्छ ।’