लकडाउन हटाएर व्यवसाय गर्ने बातावरण मिलाउन व्यवसायीको माग

दाङ,२६ भदौ । दाङ व्यावसायीहरुले जिल्लामा २८ गतेपछि लकडाउन नहटाए व्यवसाय सञ्चालन गर्ने निर्णय गरेका छन् । दाङ जिल्ला उद्योग वाणिज्य संघ तथा वस्तुगत समितीहरुको बैठकले यस्तो निर्णय गरेको हो ।

बैठकले लकडाउनलाई पूर्ण रुपमा लकडाउन गरि निधार्व रुपमा आ–आफना प्रतिष्ठानहरुमा स्वास्थ्य मापदण्ड पुरा गरि व्यवसाय सञ्चालनको लागि जिल्ला प्रशासन कार्यालयलाई अनुरोध गर्ने निर्णय गरेको छ ।

सञ्चालन भएका व्यवसायिक प्रतिष्ठानहरुमा स्वास्थ्य सुरक्षा मापदण्ड परा भए नभएको अनुगमन गर्नेका लागि दाङ उद्योग वाणिज्य संघका वाणिज्य उपाध्यक्ष टंकसिंह वुढाथोकीको संयोजकत्वमा स्वास्थ्य सुरक्षा अनुगमन समिती गठन गरिएको छ ।

समितिको सदस्यहरुमा संघका सदस्यहरु रामप्रसाद पोख्रेल, मिनराज भाट, टंकप्रसाद पोख्रेल (कमल), त्रिसिद्धेश्वरी राप्ती यातायात प्रालिका प्रतिनिधि, होटल व्यवसायि समितिका प्रतिनिधि र सबै बस्तुगत समितिका संयोजकहरु सदस्य रहेका छन् ।

बैठक दाङ जिल्ला उद्योग वाणिज्य संघका अध्यक्ष नारायणप्रसाद भुसालको अध्यक्षतामा भएको थियो । बैठकमा सहभागि वस्तुगत समितिी अध्यक्षहरुले स्वास्थ्य सुरक्षाको मापदण्ड अपनाएर व्यापार व्यवसाय सञ्चालनमा ल्याउनु पर्ने बताएका थिए । उनीहरुले लामो सयम सम्मको लकडाउनले नागरिकहरु रोगले भन्दा भोकले मर्ने अवस्था आएको बताएका थिए ।

बैठकमा नेपाल उद्योग वाणिज्य महासंघका केन्द्रीय सदस्य धुवराज श्रेष्ठ (भारी), नेपाल उद्योग वाणिज्य महासंघ प्रदेश नं ५ का उपाध्यक्ष हेमराज वञ्जाडे, संघका पदाधिकारीहरु, स्वर्गद्धारी टिप्पर व्यवसायी समितिका अध्यक्ष भाँडा व्यवसायी समिति अध्यक्ष, राप्ती अञ्चल लिर्कष एशोसियसनका उपाध्यक्ष, दाङ देउखुरी होटेल वयवसायी समितिीका अध्यक्ष, सुरक्षित कुखुरा तथा दाना व्यवसायि समितीका अध्यक्ष, हाडवर्यर व्यवसायि समितीका अध्यक्ष, कपडा व्यवसायी समितीका अध्यक्ष, गल्ला तथा किराना व्यवसायी समितिका अध्यक्षलगायतको सहभागिता रहेको थियो ।