दाङका प्रतिष्ठीत व्यवसायी खड्ग बुढाथोकीलाई ‘सुपर एचिभर अवार्ड’

दाङ, २८ साउन

राम्रो बजार बनाउन सफल श्रृङ्खला सप्लायर्स दाङले ‘सुपर एचिभर अवार्ड २०१८–१९’ प्राप्त परेको छ । १३ अगस्ट २०१९ माइन्डोनेसीयाको बालीमा भएको ग्लोबल टे«डिङ्ग कन्सर्नले बार्षिक पार्टनर कन्फ्रन्सको आयोजना गर्दै सप्लायर्सका खड्ग बुढाथोकीलाई ‘सुपर एचिभर अवार्ड २०१८–१९’ प्रदान गरेको हो ।

नेपालबाट बाट श्रृङ्खला सप्लायर्सका प्रोप्राईटर तथा प्रतिष्ठित व्यवसायी खड्गबहादुर बुढाथोकीलाई लिन्डेम्यान्स वाईन ब्राण्डको टाउन क्याटेगोरीमा ठूलो क्षेत्र ओगट्न सफल भएको भन्दै बुढाथोकीलाई सम्मान गरीएको हो । देशको अर्थतन्त्र तथा रोजगारीलाई समेत टेवा दिनेगरी दाङलाई आधार बनाएर देशै भरी व्यवसायका विभिन्न क्षेत्रहरुमा सफलता हासिल गर्नुभएका सफल व्यवसायी बुढाथोकीले विभिन्न समयमा विभिन्न एचिभमेन्ट अवार्डहरु प्राप्त गरी सक्नुभएको छ ।

दाङ जिल्लामा बैङ्किङ्ग क्षेत्र, एल.पि.जि. ग्याँस, पेट्रोलियम पदार्थ, माईनिङ्ग, शिक्षा, स्वास्थ्य, तथा विभिन्न स्वदेशी तथा विदेशी उत्पादनको मार्केटिङको क्षेत्रमा बुढाथोकीले काम गर्दै आउनु भएको छ । व्यवसायी तथा उद्योगी बुढाथोकी समाजसेवामा समेत क्रियाशिल नाम हो ।