वैवाहिक बर्षगाठको अवसरमा खड्का दम्पतीद्वारा धारापानी महायज्ञमा दान

घोराही, १३ फागुन

पाण्वेश्वर महादेव मन्दिर धर्ना धारापानीमा शनिवार जारी महायज्ञमा एक दम्पतीले वैवाहिक वर्षगाठको अवसरमा दान गरेका छन् ।

घोराही उपमहानगरपालिका वडा नम्बर १८ निवासी बद्रिकुमार खड्का र पुष्पा खड्काले २७ औँ वैवाहिक वर्षगाठको अवसरमा नगद दान गरेको हुन् ।

पाण्डवेश्वर धामको पूर्वाधार विकास र बृहत् आध्यात्मीक पर्या–पर्यटकीय केन्द्रको स्थापनार्थ आयोजना गरिएको ‘श्रीमद् भागवत सप्ताह तथा धनधान्याचल ज्ञान महायज्ञ–२०७५’ मा खड्का दम्पतीले सोमवार २७ हजार २७ रुपैया दान गर्नु भएको थियो ।

२७ औँ वैवाहिक वर्षगाठको अवसरमा २७ हजार २७ रुपैया नगद दान गरेको बद्रिकुमार खड्काले बताउनुभयो । आमा कालिकादेवी खड्काको साथमा महायज्ञमा पुगेको खड्का दम्पतीलाई सहभागीहरुले वैवाहिक वर्षगाठको शुभकामना व्यक्त गरेका थिए ।

बद्रिकुमार खड्का कालिका मेडिकल हल घोराहीका सञ्चालक हुन् । नेपाली कांग्रेस दाङ क्षेत्र नम्बर ३ का सचिव रहेका खड्का विभिन्न सामाजिक संघसंस्थामा आवद्ध हुनुहुन्छ ।