खुमबहादुर खड्काको शीघ्रस्वास्थ्यलाभको कामना गर्दै घोराहीमा सामुहिक प्राथना एवं दीप प्रज्वलन

घोराही, १३ चैत
पूर्व गृहन्त्री एवं नेपाली कांग्रेसका प्रभावशाली नेता खुमबहादुर खड्काको शीघ्र स्वास्थ्यलाभको कामना गर्दै घोराहीको गणेश मन्दिरमा सामुहीक प्राथना गरिएको छ । नेपाली कांग्रेस दाङको आयोजनामा मंगलवार घोराहीको गणेश मन्दिरमा सामुहीक प्राथनासहित पूजापाठ गरिएको हो ।

पूजापाठ एवं सामुहीक प्राथना कार्यक्रममा कांग्रेसका नेता कार्यकर्ता एवं खड्काका शुभचिन्तकहरुका उपस्थिति रहेको थियो । कांग्रेस जिल्ला उपसभापति कमानसिंह भारतिको अध्यक्षतामा कार्यक्रम भएको थियो ।

त्यस अवसरमा दिप प्रज्वलन पनि गरिएको थियो । दिल्लीको एपोलो अस्पतालमा उपचार गराईरहेका खड्काको शीघ्र स्वास्थ्यलाभको कामना गर्दै यसअघि दाङको अम्वीकेश्वरी, प्यूठानको स्वर्गद्धारी, सल्यानको खैरावाङ लगायत राप्तीका विभिन्न स्थानमा पूजापाठ, रुद्रीपाठ, ग्रहशान्ति चण्डीपाठ गरिएको थियो ।