११ दिन देखि शव नउठ्दा अस्पतालमा समस्या

शरद रेग्मी
साउन, १५ तुलसीपुर

एघार दिन अघि सडक दुर्घटनामा मृत्यु भएकी जानका चौधरीको शव राप्ती अञ्चल अस्पतालमा अलपत्र अवस्थामा रहेको छ । साउन ५ गते तुलसीपुर १३ वखरियामा भएको मोटरसाईकिलको ठक्कर वाट ३८ वर्षिय चौधरीको मृत्यु भएको थियो । मृतकका परिवारले शव वुझन नमानेपछि चौधरीको शव एघार दिन देखि राप्ती अञ्चल अस्पतालमा रहेको छ ।
परिवारले क्षतिपूर्ति र दोशीलाई कडा भन्दा कडा कारवाहीको माग गरेको मृतकका श्रीमान तुलसीराम चौधरीले जानकारी दिनु भयो । उहांका अनुसार घटना हुंदा आफू विदेशमा रहेको र घटना वारे वुझदा मोटरसाईकिल चालक तुलसीपुर १३ रनियापुर निवासी विनोद सार्कीले चलाएको रा.१ प ४३३७ नम्बरको मोटरसाईकिलले ठक्कर दिदा आफ्नी श्रीमति को मृत्यु भएको भन्दै तत्काल घटना वारे गम्भिर हुन सरोकारवालालाई अनुरोध गर्नु भएको छ ।
उहांले तत्काल दोशीलाई कारवाही नभए सम्म श्रीमतिको शव नवुझ्ने समेत वताउनु भएको छ । यता इलाका प्रहरी कार्यालय तुलसीपुरले घटना सम्वन्धी दुवै पक्ष विच छलफल र वार्ता भैरहेको जनाएको छ । प्रहरी निरिक्षक प्रकाश चन्द्र गुप्ताका अनुसार आज आईतवार पनि दुवै पक्षविच छलफल गरिने वताइएको छ ।