आइसिसी टी–२० विश्वकप एसिया क्षेत्रको फाइनल छनोटअन्तर्गत नेपाललाई ओमानले १४६ रनको लक्ष्य दिएको छ । कीर्तिपुरस्थित त्रिभुवन विश्वविद्यालयको क्रिकेट मैदानमा जारी खेलमा ओमानविरुद्ध नेपालले टस जितेर फिल्डिङ रोजेको थियो ।
सोमपालको ५० विकेट पूरा
नेपालका तिव्रगतिका बलर सोमपाल कामीले ५० विकेट पूरा गरे गरेका छन् । उनले ओमानविरुद्ध दुई विकेट लिँदै ५० विकेट पूरा गरेका हुन् । नेपालको तर्फबाट ५० विकेट पूरा गर्ने उनी चौथो खेलाडी बनेका छन् । यसअघि सन्दीप लामिछाने, करण केसी, अभिनाश बोहराले ५० विकेट पूरा गरेका थिए ।