मध्यरातमा वन क्षेत्रमा बाटाे खन्ने स्काभेटर चालकसहित नियन्त्रण

दाङ, १५ वैशाख

लकडाउनको मौका छोपी वन क्षेत्रमा बाटो खनिरहेको आरोपमा डिभिजन वन कार्यालय दाङको टोलिले चालक सहित एउटा स्क्याभेटर नियन्त्रणमा लिएको छ ।
घोराही उपमहानगरपालिका वडा नं. १९ स्थित च्यानगैरा देखी श्रीचौर जाने गोरेटोबाटोमा विना अनुमति स्क्याभेटर प्रयोग गरी बाटो खनिराखेको अवस्थामा शुक्रबार राती साढे १ बजे डिभिजन वन कार्यालय दाङ बाट खटि गएको गस्ती चालकलाई पक्राउ गरी बाटो खन्न प्रयोग गरिरहेको स्क्याभेटर नियन्त्रणमा लिएको छ ।
च्यानगैरा देखी श्रीचौर जाने बाटो खन्ने शिलसिलामा दुवीचौर राष्ट्रिय वन खण्डमा बाटो खनिरहेको अवस्थामा रा १ क ७५९ नम्बरको स्क्याभेटर प्रयोग गरिएको डिभिजन बन कार्यालय दाङले जनाएको छ ।

४ देखी ८ मिटर सम्मको चौडा अन्दाजी ८ सय मिटर बाटो खनिसकेको अवस्थामा वंगलाचुली गाँउपालिका वडा नं. २ वस्ने वर्ष २५ का थम बहादुर घर्ति मगरले उक्त स्क्याभेटर चलाएका थिए ।

चालकलाई दाङ देउखुरी जिल्ला अदालतबाट भिडियो कन्फिरेन्सिङ्ग मार्फत १५ दिनको म्याद थप घटनाको अनुसन्धान भैरहेको कार्यालयले जनाएको छ ।

घटनाको विस्तृत अनुसन्धान भईरहेको अनुसन्धानबाट दोषी पत्ता लगाई घटनामा संलग्नहरुलाई प्रचलित कानूनी बमोजिम कार्वाही गरिने डिभिजन वन कार्यालयका प्रमुख दिपक ज्ञवालीले जानकारी दिनु भयो ।