RaptiSandesh RaptiSandesh
राष्ट्रिय आविष्कार केन्द्रले कोरोना संक्रमित बिरामी जाँच्ने चिकित्सकले लगाउने एप्रोन (प्रर्सनल प्रोटेक्टिभ इक्युप्मेन्ट) बनाउन सुरू गरेको छ।
बुधबार स्याम्पल तयार गरिएको र आजबाट उत्पादन सुरू गरिएको आविष्कार केन्द्रका अध्यक्ष महाविर पुनले जानकारी दिए।
‘नेपालमा यस्ता एप्रोनको अभाव रहेछ, देशभरका अस्पतालबाट माग आइरहेको छ,’ उनले सेतोपाटीसँग भने।
हाल करिब ४ सय वटा मात्रै एप्रोन बनाउन पुग्ने कच्च पदार्थ रहेको पुनले बताए।
‘अहिले आविष्कार केन्द्रकै खर्चमा कच्चा पदार्थ ल्याएका हौं। धेरै अस्पतालबाट एप्रोनको माग छ। कहाँ-कहाँ पुर्याउने?,’ उनले भने, ‘सामान भए हामी जति पनि बनाउन सक्छौं। तर सामानै छैन।’
प्रर्सनल प्रोटेक्टिभ इक्युप्मेन्टको डिजाइन पनि आविष्कार केन्द्रले नै गरेको हो।
