दाङ, २३ फागुन
नेत्रविक्रम चन्द (विल्लव) नेतृत्वकाे नेपाल कम्युनिष्ट पार्टीले अाह्वान गरेकाे बन्दका कारण दाङ लगायत राेल्पा, प्यूठान, सल्यान र रूकुमकाे जनजिवन प्रभावित बनेकाे छ ।
नेकपा राप्ती ब्यूरोले अाह्वान गरेकाे बन्दका कारण यातायातका साधन चल्न सकेका छैनन् भने शिक्षण संस्था कलकारखाना बन्द रहेका छन् । आफ्नाे पार्टीका नेता तथा कार्यकर्ताहरुको गिरफ्तारीको विरुद्धमा नेकपाले राप्ती बन्दको घोषणा गरेकाे छ ।
राप्तीका विभिन्न जिल्लाबाट प्रहरीले गैरकानुनी र गैरलोकतान्त्रिक रुपमा गिरफ्तार, धरपकड, कुटपिट र रोल्पा, दाङ लगायत जिल्लाहरुमा शान्तिपूर्णरुपमा भइरहेकाे सभा, सम्मेलन, भेला, कार्यक्रमहरुलाई प्रहरीद्वारा बिथोल्ने कार्य भईरहेकाले यसकाे विराेधमा नेकपाले बन्द गरेकाे जजाएकाे छ ।
फागुन २० गते नेकपा रोल्पाका जिल्ला सदस्यहरु टीकाराम परियार, लालबहादुर विक, नृतेन्द्र सेन र २२ गते दाङ जिल्ला पार्टी सचिवालय सदस्यहरु प्रदीप वली, ईश्वरी पाण्डे र पार्टी जिल्ला सदस्य रुद्र वलीलाई प्रहरीले पक्राउ गरेकाे छ ।
गिरफ्तार गरिएका आफ्ना नेता तथा कार्यकर्ताहरुको बिनासर्त रिहाई नगरेमा कडा संघर्षका कार्यक्रमहरु अघि बढाइने नेकपाले जिज्ञप्ती निकालेर चेतावनी दिएको छ ।