शिवरात्रीमा नायक सलाेन बस्नेत दाङकाे धारापानीमा अाउदै

घाेराही, १९ फागुन

महाशिवरात्रीको अवसरमा पाण्डवेश्वर मन्दिर धारापानीमा हुने बृहत सांस्कृतिक कार्यक्रममा नायक सलाेन बस्नेत अाउने भएका छन् ।
हिन्दुहरुको महान् पर्व शिवरात्रीको अवसरमा घोराही उपमहानगरपालिका वडा नम्बर ५ धर्ना धारापानीमा रहेको पाण्डवेश्वर मन्दिरमा “महाशिवरात्री विशेष सांस्कृतिक कार्यक्रम” मा नेपाली चलचित्र क्षेत्रमा युवा पुस्ताका लाेकप्रीय नायक सलाेन बस्नेत अाउने आयोजकले जानकारी दिएको छ । बालकलाकार हुँदै नायकसम्म सँयाै चलचित्रमा अभिनय गरिसकेका बस्नेत पहिलाे पटक धारापानीमा अाउन लागेका हुन् । साेमवार उनकाे प्रस्तुति रहने छ ।
महाशिवरात्रीको अवसरमा लाग्ने मेलालाई मध्यनजर गर्दै वन वे फिल्मस् प्रा.लिको आयोजनामा हुने सांस्कृतिक कार्यक्रममा बस्नेत लगायत चर्चीत कलाकारहरूकाे प्रस्तुति रहने कार्यक्रमका संयाेजक सविन डाँगीले जानकारी दिनुभयाे ।

नायक बस्नेतकासाथै नेपाली लोकदोहोरी क्षेत्रकी चर्चीत गायिका शान्ति श्री परियार पनि अाउने भएकी छिन् । “बाेल माया एक वचन बाेल” बाेलकाे गीतबाट चर्चामा अाएकी गायिका परियारकाे पनि साेमवार प्रस्तुति रहने भएकाे छ । यस्तै गायक तथा मोडल सन्दिप न्यौपाने, मोडल अञ्जली अधिकारी, गायक विक्रम राना, बासुकला मैनाली, समीक्षा सेर्पाईली, देवेन्द्र बस्नेत, पिताम्बर रिजाल, खड्ग शर्मा लगायतका कलाकारहरुको प्रस्तुति रहने डाँगीले जानकारी दिनुभयो ।
कार्यक्रम उपस्थित हुनकालागी उहाँले सम्पूर्ण दर्शकहरुलाई अनुरोध पनि गर्नुभएको छ ।