निर्वाचन आयोगले सरकारलाई भन्यो-आर्थिक सहायता नबाँड्नू

काठमाडौं,  १७ माघ ।

निर्वाचन आयोगले निर्वाचन आचारसंहिता लागू भइसकेको भन्दै आर्थिक सहायता नबाड्न सरकारलाई निर्देशन दिएको छ ।

राष्ट्रिय सभा सदस्य निर्वाचनका लागि १२ माघबाट आचारसंहिता लागू भएको छ ।आचारसंहिता लागू भएको अवधिसम्म आर्थिक सहायता रकम उलब्ध नगर्न नगराउन अर्थ मन्त्रालय र सहायता रकम वितर नगर्न नगराउन गृह मन्त्रालयलाई निर्देशन दिइएको आयोगले जनाएको छ ।

आर्थिक सहायता वितरणको विवरण पटक मागे पनि गृह र अर्थ मन्त्रालयले उपलब्ध नगराएको भन्दै आयोगले मुख्य सचिवलाई आग्रह गर्ने निर्णय पनि गरेको छ ।