जिल्ला स्तरिय लागु औषध नियन्त्रण समिति गठन

दाङ, ११ पुष
दाङमा लागु औषध नियन्त्रण समिति गठन गरिएको छ । लागु औषध नियन्त्रण कार्ययोजना (सिधा कारवाही) अभियान अन्तरगत दाङमा जिल्ला स्तरिय लागु औषध नियन्त्रण समिति गठन गरिएको हो ।

जिल्ला प्रहरी कार्यालय दाङमा भएको सारोकारवालाहरुको भेलाले समिति गठन गरेको हो । जिल्ला प्रहरी कार्यालय दाङका प्रहरी नायव उपरिक्षक रामप्रसाद घर्ति संयोजक रहेको समितिमा सदस्य सचिव जिल्ला प्रहरी कार्यालयका प्रहरी निरिक्षक गोपीकृष्ण सुवेदी रहनुभएको छ । यस्तै सदस्यहरुमा विष्णु पुन, गोमा गिरी, ओम पी न्यौपाने, आर.के.शीतल, विशाल शाह, रविन्द्र क्षेत्री, कुलबहादुर घर्ति रहनुभएको छ ।

समितिले जिल्लामा लागु औषध विरुद्ध सचेतना कार्यक्रम गर्नेदेखी सिधा कारबाहीसम्मको काम गर्ने समितिका सदस्य सचिव प्रहरी निरिक्षक गोपीकृष्ण सुवेदीले जानकारी दिनुभयो ।