Home / Feature Breaking news / कांग्रेस दुई नम्बर क्षेत्रद्धारा प्रचार तीव्रः गाँउगाँउमा सम्पर्क कार्यालय स्थापना हुँदै

कांग्रेस दुई नम्बर क्षेत्रद्धारा प्रचार तीव्रः गाँउगाँउमा सम्पर्क कार्यालय स्थापना हुँदै

घोराही, २१ कार्तिक
आगामी मंसीर २१ गते हुने निर्वाचनकालागि क्षेत्र नम्बर २ का लागि नेपाली कांग्रेसले प्रचारप्रसारलाई तीव्र बनाएको छ ।

निर्वाचनकालागि यस क्षेत्रमा प्रचारप्रसारलाई तीव्र बनाईएको यस क्षेत्रका प्रचारप्रसार समितिका संयोजक भुपबहादुर डाँगीले जानकारी दिनुभयो ।

प्रचारप्रचार अन्तरगत आज यस क्षेत्रका विभिन्न क्षेत्रमा सम्पर्क कार्यालय स्थापना गरिएको छ । जस अन्तरगत घोराहीको स्वर्गद्धारी एफ एम रोड र नारायणपुरको पार्टि कार्यालयमा सम्पर्क कार्यालय स्थापना गरिएको छ ।

यस्तै घोराही उपमहानगरपालिका ८ को मर्पा र वडा नम्बर ९ को कर्मटिय लगायतका स्थानमा कार्यालय स्थापना गरिएको प्रचार संयोजक डाँगीले बताउनुभयो ।

सम्पर्क कार्यालय स्थापना गर्दै प्रतिनीधी सभा सदस्य राजु खनालले यो निर्वाचन जनमत संग्रह भएको बताउँदै लोकतान्त्रीक शक्तीहरु एक भएर लाग्न आग्रह गर्नुभयो ।

विभिन्न समयमा देशको नेतृत्व काँग्रेसले गरेको भन्दै अबको नेतृत्वपनि कांग्रेसकै आवश्यक भएकाले माहोल बनाउन आग्रह गर्नुभयो । जनतालाई अधिकार दिएर जनतालाई नै बलियो बनाउन आवश्यक भएको खनालको भनाई छ ।

यस क्षेत्रको सम्पूर्ण विकास कांग्रेसले गरेको भन्दै उहाँले विकासलाई भजाएर कांग्रेसले भोट नमाग्ने बताउनुभयो । कांग्रेसले दाङलाई प्रादेशीक राजधानी बनाउनु पहिलो एजेण्डाको रुपमा लिएको पनि खनालले जानकारी दिनुभयो ।

निर्वाचन क्षेत्र नं २ (ख) का प्रदेश सभाका उम्मेदवार भरत बहादुर न्यौपानेले चुनाव लक्षित अभियान अन्तर्गत प्रचारलाई तीव्र बनाएकाले यसमा लाग्न उहाँले सबैमा अनुरोध गर्नुभयो ।

न्यौपानेले लोक तन्त्रको रक्षाको लागि सम्पुर्ण लोकतन्त्रबादि शक्तीहरु एक हुनुपर्ने जिकिर गर्नु भयो । काँग्रेस सँग डराएर बाम गठबन्धन गरिएको भन्दै कम्युनिष्ठ शासन लाद्न खोजेको उहाँको भनाई छ ।

बाम गठबन्धनले जितेमा अधिनायकवाद हावी हुने भएकाले समयमा नै आफ्नो मतको सदुपयोग गर्न उहाँले अनुरोध गर्नुभयो ।

निर्वाचन क्षेत्र नं २ (क) का प्रदेश सभाका उम्मेदवार कमल किशोर घिमीरेले निर्वाचनको बेलामा जनतामाझ आउने उमेद्वारहरुले विकास र समृद्धि ल्याउन नसक्ने बताउनुभयो ।

कांग्रेसले संविधान जारी गरेको र त्यसको कार्यान्वयन गर्न पनि कांग्रेसकै नेतृत्व आवश्यक भएकाले यसतर्फ सचेत रहन उहाँले मतदाताहरुलाई अनुरोध गर्नुभयो ।

कार्यक्रममा समानुपातिक उम्मेदवार साबित्रा राना, जिल्ला पार्टि सभापति कृति बहादुर खड्का, पूर्व सभापति विरकेशरी गौतम, पुर्व पार्टि सभापति घनस्याम रेग्मी, क्षेत्रिय सभापति भुप बहादुर डाँगी लगायतले मन्तव्य राख्नुभएको थियो ।

Leave a Reply

Your email address will not be published. Required fields are marked *

*