RaptiSandesh RaptiSandesh
दाङ, १८ कार्तिक
साफ च्याम्पीयनसीप फुटबल प्रतियोगीताका लागि दाङमा हुने राष्ट्रिय खेलाडी छनोट प्रतियोगिताकोलागि खेल मैदान मर्मत कार्य भईरहेको छ ।
घोराही उपमहानगरपालिका–१५ मा रहेको भरतपुर खेल मैदानलाई मर्मत गर्ने कार्य तिव्र रुपमा भईरहेको छ ।
राष्ट्रिय खेलकुद परिषद्को आयोजना र दाङ जिल्ला फुटबल संघको रोहवरमा हुने राष्ट्रिय च्याम्पीयनसीप पुरुष फुटबल प्रतियोगीता दङमा हुने निश्चीत भएसँगै घोराहीकालागि खेल मैदान मर्मत एवं व्यवस्थापन ती्र रुपमा भईरहेको छ ।
केही दिन अगाडी जिल्ला फुटबल संघका सदस्य बुद्धिराम पुनको संयोजकत्वमा गठन भएको मैदान व्यवस्थापन समितिले तीव्र रुपमा मर्मत गरिरहेको छ ।
आज शनिवारदेखी द लोटस ट्रेनिङ सेन्टर, द ब्रेभ गोर्खा, स्यालुट गोर्खा ट्रेनिङ सेन्टर र किसान जागृत युवा क्लबका गरि ३ सय बढि युवाहरुले मैदान व्यवस्थापनको काममा खटिएको पुनले जानकारी दिनुभयो ।
५ वटा विकास क्षेत्र र तीन बिभागीय टोली सहित ८ टिमको सहभागीतामा लिग चरणमा प्रतियोगीता हुने छ ।
खेल दाङको घोराही र तुलसीपुरमा हुने फुटबल संघ दाङका अध्यक्ष भुपेन्द्रविक्रम थापाले जानकारी दिनुभयो ।
खेलको तयारी स्वरुप मैदान व्यवस्थापनको काम तीव्र गतिमा भईरहेको संघका जिल्ला महासचिव सुशील श्रेष्ठले जानकारी दिनुभयो ।
मैदान वरिपरी छेकवार (नाला) गरेर मैदान सम्याउने काम र पानी सिचाई गरेर दुबो उमार्ने काम भईरहेको मैदान व्यवस्थापन समितिका सदस्य एवं फुटबल रेफ्री नरेन्द्र पुनले जानकारी दिनुभयो ।
