तुलसीपुर, २१ असोज
दाङको तुलसीपुरस्थित सामूदायिक रेडियो प्रकृित एफ.एम ९३ दशमलव ं४ मेगाहर्ज भोली आईतवारदेखी आठौँं बर्षमा प्रवेश गर्दैछ ।
सात बर्ष पुरागरी आठौं बर्ष प्रवेश गरेको अवसरमा रेडीयोले भोली बिषेश कार्यक्रमको आयोजना गरी आठौं बार्षिक उत्सव मनाउँदै छ । रेडीयोका अध्यक्ष खगेन्द्र पोखरेल र सचिव रामप्रसाद चालीसेले आज संयुक्त विज्ञप्ति जारी गरी विहान ११ बजेदेखी तुलसीपुर उद्योग वाणिज्य सघंको हलमा सुरु हुने कार्यक्रममा सहभागी हुन सम्पूर्ण सञ्चारकर्मी, विज्ञापनदाता तथा शुभचिन्तकहरुलाई अनुरोध गर्नुभएको छ ।
प्रकृति रेडीयोले समाचारका साथै सूचना तथा मनोरञ्जन त्यसैगरी वन, वातावरण र प्रकृति संरक्षण सम्बन्धी कार्यक्रम उत्पादन तथा प्रसारण गर्दै आएको छ । २०६७ साल असोज २२ गतेदेखी प्रसारण आरम्भ गरेको रेडीयो प्रकृती नेपालकै पहिलो वातावरण मैत्री सामूदायिक रेडीयो हो ।
उक्त कार्यक्रममा रेडीयोमा कार्यरत कर्मचारी माधव कडेल, शीतला, उत्कृष्ट कार्यक्रम सञ्चालक तुफानबाबु श्रेष्ठ, नियमीत कार्यक्रम सञ्चालक राजन लामीछाने र बिस्मात केसीलाई पुरस्कृत गरिने स्टेशन म्यानेजर ओपेन्द्र बस्नेतले जानकारी दिनुभयो ।
उत्कृष्ट विज्ञापनदाता स्र्वगद्धारी डेन्टल क्लिनीक, सांग्रीला प्लाई हाउस र ज्योती मेडीकल हललाई सम्मान गरिने पनि उहाँले जानकारी दिनुभयो ।
त्यसैगरी उत्कृष्ट सामूदायिक वन ठुलाचौर सामूदायिक वन हलवार र ग्रीन तुलसीपुर क्लिन तुलसीपुरका अभियन्ता बिमल रिजाललाई सम्मान गरिने रेडीयोले जनाएको छ ।