स्वतन्त्र सिलाई कालिगड युनियन घोराहीको दोस्रो सधारण सभा सम्पन्न

घोराही, १२ साउन
नेपाल स्वतन्त्र सिलाई कालिगड युनियन घोराही उपमहानगरपालिकाको दोस्रो सधारण सभा सम्पन्न भएको छ । घोराही स्थित परियार सेवा समाजको सभाहलमा साधारणसभा भएको हो । युनियन नगर समितिका अध्यक्ष प्रदीप नेपालीको अध्यक्षता तथा परियार सेवा समाजका जिल्ला अध्यक्ष केशब नेपालीको प्रमुख आतिथ्य तथा शालिकराम नेपालीको विशिष्ट आतिथ्यमा भएको साधारण सभाले नयाँ कार्य समिति चयन गरेको छ । समितिको अध्यक्षमा प्रमोद परियार चुनिनु भएको छ । यसैगरि उपाध्यक्षमा सुरेश परियार, सचिवमा कमल परियार, सहसचिवमा अर्जुन परियार,कोषाध्यक्षमा हरिमायाँ परियार रहनु भएको छ । यसैगरि सदस्यहरुमा शिला परियार, दीपक परियार, सुरेश परियार, पंकज परियार, सन्जीव परियरा, मिथुन परियार, हिरा परियार,अमर परियार रहनु भएको छ ।