आगामी मंसिर ४ गतेका लागि तय गरिएको प्रतिनिधिसभा र प्रदेशसभा निर्वाचनमा प्रमुख राजनीतिक दलहरूबाट अधिकांश पुरानै अनुहार दोहोरिएका छन् । तर, कतिपय शीर्ष नेताहरू भने चुनावी मैदानबाट नै बाहिरिएका छन् ।
यसरी चुनावी मैदानबाट बाहिरिनेमा पूर्वअर्थमन्त्री छन् । कतिपयले स्वच्छाले चुनावी मैदान छोडेको बताइरहेका छन् भने कतिपयले टिकट नै पाएनन् ।
०६४ सालयता १० जना अर्थमन्त्री भए । तीमध्ये डा. बाबुराम भट्टराई, डा. रामशरण महत, डा. युवराज खतिवडा, कृष्णबहादुर महरा र महेश आचार्य चुनावी मैदानमा छैनन् ।
बहालवाला अर्थमन्त्री जनार्दन शर्माले रुकुम पश्चिमबाट उमेदवारी छन् । त्यसैगरी पूर्वअर्थमन्त्री विष्णु पौडेल रूपन्देही २ बाट, वर्षमान पुन रोल्पाबाट, सुरेन्द्र पाण्डे चितवन १ बाट र ज्ञानेन्द्रबहादुर कार्की सुनसरी ४ बाट चुनाव लड्दैछन् । कार्की हाल सञ्चार तथा सूचना प्रविधिमन्त्री छन् ।
महतले टिकट नपाएकै कारण आगामी निर्वाचनमा भाग लिन पाएनन् । उनी ०७४ मा पराजित भएका थिए ।
डा. भट्टराईले आफ्नो सट्टामा काठमाडौं ७ बाट आफ्नो छोरी मानुषीलाई टिकट दिलाएर गोरखा आफ्नो क्षेत्र प्रचण्डलाई छोडिदिए ।
चुनावी मैदानबाट बाहिरिएका पूर्व अर्थमन्त्रीहरू :
डा. बाबुराम भट्टराई
डा. रामशरण महत
डा. युवराज खतिवडा
कृष्ण बहादुर महरा
महेश आचार्य
चुनावी प्रतिस्पर्धामा रहेका पूर्वअर्थमन्त्रीहरू :
विष्णु प्रसाद पौडेल
वर्षमान पुन
सुरेन्द्र पाण्डे
ज्ञानेन्द्र बहादुर कार्की
जनार्दन शर्मा (वर्तमान अर्थमन्त्री)