घोराही, २१ फागुन
रोटरी क्लब अफ दाङले सामाजिक कार्य अन्तरगत प्युठानको स्वर्गद्वारी मन्दिर परिसरमा शुद्ध खानेपानी प्लान्ट निर्माण गरेको छ । ब्लबले मन्दिर परिसरमा सो खानेपानी प्लान्ट निर्माण गरेको हो ।
धर्मावलम्बी हरुको लागि शुद्ध खानेपानीकालागी शनिवार स्वर्गद्वारी पुगेर २ लाख बराबरको शुद्ध खानेपानी प्लान्ट निर्माण गरिएको क्लबका अध्यक्ष रजिब उल्लाह खानले जानकारी दिनुभयो ।
निर्माण गरिएको प्लान्ट एक कार्यक्रम बिच मन्दिर ब्यवस्थापन समितिलाई हस्तान्तरण गरिएको छ । क्लबका अध्यक्ष रजिब उल्लाह खानको अध्यक्षता र मन्दिरका गुरु ध्यानन्द गिरीको प्रमुख आतिथ्यतामा कार्यक्रम भएको थियो ।
कार्यक्रमका संयोजक डा.सञ्जीव पन्डितको स्वागत मन्तब्य बाट सुरु भएको कार्यक्रमको सहजिकरण मिनराज भाटले गर्नुभएको थियो । प्लान्ट निर्माणसँगै धर्मालम्बीहरुलाई शुद्ध खानेपानीकालागी सहज हुने मन्दिर व्यवस्थापन समितिले जनाएको छ । साथै समितिले मन्दिर परिसरमा प्लान्ट निर्माण गरेकोमा क्लबलाई धन्यवाद दिएको थियो ।