व्यवसायीको माग बमोजिम कोषाध्यक्षमा दोहोरिदैछुः पोख्रेल

राप्ती अञ्चलकै सबैभन्दा पुरानो व्यवसायी संस्था दाङ जिल्ला उद्योग वाणिज्य संघको नयाँ नेतृत्वकालागी यही पुस २० गते निर्वाचन हुदै छ । अन्य पदमा सर्वसहमति भएपनि अध्यक्ष र कोषाध्यक्ष पदमा भने निर्वाचन हुदैछ । अध्यक्ष र कोषाध्यक्ष पदमा २÷२ जनाको उमेद्वारी परेको छ । अध्यक्षमा टंकसिहं बुढाथोकी र कोषाध्यक्षमा सुशील पोख्रेल नेपाली काग्रेस, नेकपा लगायत सर्वदलिय निर्णयबाट उमेद्वारी दिनुभएको छ । कोषाध्यक्ष पदका उमेद्वार सुशील पोख्रेलसँग गरिएको कुराकानीः

तपाईँको उम्मेदवारी किन ?

सबै भन्दा पहिला त म व्यवसायिक हकहितका लागि अनवरत रुपमा खटिँदै आएको व्यक्ति हुँ । उद्योग वाणिज्य संघमा एक कार्यकाल सदस्य, एक कार्यकाल कोषाध्यक्षमा रहेर उद्योग वाणिज्य संघमा आवद्ध भैसकेको मैले आफ्ना दुबै कार्यकालमा व्यवसायिक हकहितका निम्तीनै भुमिका निर्वाह गरेको छु । म कोषाध्यक्ष पदमै फेरी दोहोरिने तयारीमा छु ।

मेरो अहिलेको उम्मेदवारी पनि प्रमुखतः व्यवसायिक हकहितसंगै जोडिन्छ । व्यवसायीहरुका साझा चुनौतीलाई व्यवसायिक एकताबाटै समाधान गरिनु पर्छ र त्यो एकता कायम गरेर ति विद्यमान समस्या समाधान गर्न सक्ने सामथ्र्य म राख्दै आएको छु र राखिरहने पनि छु ।

संघको आर्थिक स्तर बृद्धि लगाएत अन्य नयाँ योजना केहि छन् ?

यहाँले राम्रो प्रश्न गर्नुभयो । तपाईलाई म कोषाध्यक्ष पदमा आसिन हुँदा उद्योग वाणिज्य संघमा कार्यरत कर्मचारीहरुले चार महिना देखि तलव सुविधा लिन पाएका थिएनन् । संघको आथिृक अवस्था सन्तोषजनक नहुनुनै यसको कारण थियो । अनि मैले संघको कोषलाई कसरी बृद्धि गर्न सकिन्छ ? र चार महिना देखि तलव सुविधा नपाएका कर्मचारीहरुलाई कसरी सुविधा दिन सकिन्छ ? भन्ने बारेमा होमवर्क थालेँ । आर्थिक आय र त्यसको पारदर्शिताका लागि पहल कदमी लिन थालेँ ।

उद्योग वाणिज्य संघको नेतृत्व संग निरन्तर यसबिषयमा समन्वय गरेँ । मेरो कार्यकालमा संघको कोषमा ७० लाख पैयाँ फिक्स डिपोजिट गर्न सफल भएँ । अनि व्यवससायिक सुरक्षा कोष,व्यवसायिक बिमा जस्ता महत्वपूर्ण कार्यहरु उद्योग वाणिज्य संघमा भए । यसर्थ अब मेरो योजना भनेको संघको आर्थिक कोषलाई ७० लाखमा बृद्धि गरेर डेढ करोड सम्म पुर्याउने लक्ष लिएको छु ।

यसैगरि व्यवसायिक हकहितका लागि खोलिएका बिमा तथा कोषको रकमलाई बढाएर व्यवसायिक सुरक्षाको रणनीति मैले बनाएको छु । यस अलावा दाङ औद्योगिक क्षेत्रको कार्य प्रारम्भ भैरहेकै छ । यसका लागि मेरो पहल कदमी यसलाई पूर्णताका लागि आवश्यक समन्वय र पहल पनि रहने छ ।

व्यवसायिीहरुका साझा समस्या बताईदिनुस् न ?

मुख्यतया सहज र सौहाद्र्र पूर्ण तरिकाले अहिले पनि व्यवसाय सञ्चालन गर्न सक्ने परिस्थती निर्माण भैसकेको छैन । सुरक्षा दृष्टिकोण सहित राज्यले व्यवसायिक सहयोग गर्न नसक्नु पनि कारण हो । एउटा व्यवसायिले सुरक्षित रुपले व्यवसाय गर्न सक्ने वातावरण निर्माणका लागि सरोकारवाला पक्षहरुसंग समन्वय गरेर अगाडी बढ्ने लक्ष मेरो छ ।

यसअलावा साना व्यवसायिहरुले स्वस्फूर्त रुपमा व्यवसाय सञ्चालन गर्न नपाईरहेको अवस्था छ । ति साना व्यवसायिहरुको व्यवसायलाई व्यवस्थापन अर्थात बजार व्यवस्थानको पाटोलाई कार्यान्वयन गर्न सकेमा साना व्यवसायियहरुको व्यवसाय पनि सञ्चालन हुने र बजार व्यवस्थापनको बाटो पनि सुदृढ हुन्छ । यस तर्फ अबको मेरो लक्ष रहने छ ।

यसैगरि व्यवसायिहरुलाई कर बुझाउनका लागि कर कार्यालयमा पुग्नु पर्ने अर्को समस्या बिद्यमान थियो, यो जटिलतालाई हामीहरुले सहज पारेका छौँ । उनिहरुले उद्योग वाणिज्य संघमै हेल्पडेस्क स्थापना गरेर कर बुझाउने परिपाटिको सुरुवात गर्यौँ, अँझ यसलाई थप व्यवस्थित कसरी वनाउन सकिन्छ ? भन्ने बिषयमा मेरो पहल रहने छ ।

तपाई एकताको कुरा त गर्नु भयो, तर अहिले त तपाईहरु बिचमै फूट जस्तो देखियो नि ?

केहि प्रबृत्तिहरु यस्ता पनि हुन्छन्, जसले संगठन भन्दा माथि आँफूलाई मात्रै देख्छन् । आज उहाँहरुले यो अर्घेल्याईँ नगरेको भए दशक पछि उद्योग वाणिज्य संघले सहमतीय आधारमा नेतृत्व पाउँथ्यो । तर व्यक्तिबादी खराव चिन्तनले यो ईतिहाँस कोर्ने अवसरबाट हामी बञ्चित हुनु पर्यो, जुन निकै दुखद बिषय हो । प्रजातान्त्रीक उद्यमीसंघले तोकेको म कोषाध्यक्षको आधिकारीक उम्मेदवार हो ।

यति मात्रै हैन अन्य बिचारधारा बोकेका सबै व्यवसायिहरुको साझा उम्मेदवार म बनेँ । तर साँघुरो मानसिकता बोकेका केहि ब्यक्तिहरुले सर्वसम्मत निर्णयलाई स्वीकार्न सकेनन् । फलतः म चुनावी प्रकृयामा होमिन पुगेँ । तर कुरा के हो भने मेरो बिपक्षमा उभिएका उहाँले विधी पद्धतिलाई तोडनु भएको छ । उहाँले आँफूलाई सर्वेसर्वा ठान्ने जुन काम गर्नु भयो यसले व्यवसायिक एकता रहेनछ भन्ने गलत प्रमाण आमजनमानस सम्म पुर्याईदिने गलत काम गर्नुभयो ।

तथापी आम मतदाताहरुले यो गलत कार्यलाई राम्ररी बुझ्नु हुने छ भन्ने मेरो विश्वास हो । साझा उम्मेदवार बनेर चुनावी मैदानमा होमिएको मलाई छोडेर बागीका रुपमा उभिएका अर्का उम्मेदवारको समर्थनमा मतदाताहरु पक्क लाग्नु हुने छैन । अतः मेरो विगतको कार्य, चुनावी अजेण्डालाई मतादाताहरुले बुझ्नु हुने छ । साथै सहयोगका लागि पनि सबै आम व्यवसायिहरुमा अपिल छ ।