कार्यक्रमका संयोजक विद्या सागर पाण्डेयले भूमि व्यवस्था, सहकारी तथा गरिबी निवारणमन्त्री पद्मा कुमारी अर्यालमार्फत् उक्त रकम कोषमा हस्तान्तरण गरे। राज्य संकटमा परेको बेला हरेक नागरिकले आफ्नो तर्फबाट सक्दो सहयोग पुर्याउनु सम्पुर्ण नागरिकहरुको दायित्व भएको भन्दै गरिबसँग विश्वेश्वर कार्यक्रम अन्तर्गतका कर्मचारीहरुले स्वतस्फुर्त रुपमा सहयोग संकलन गरी सरकारलाई हस्तान्तरण गरेको संयोजक पाण्डेले बताए।
सामान्य परिस्थितिमा समेत दैनिक जीवनयापन गर्न कठिनाइ हुने गरिब तथा विपन्न परिवारहरु लक्षित यस कार्यक्रमका कर्मचारीहरु विश्वव्यापी महामारीको रुपमा फैलिएको कोरोना भाइरसबाट सिर्जित असहज परिस्थितिमा थप जटिलताबाट कुनै पनि नागरिक गुज्रिन नपरोस् भन्ने उद्देश्यले नेपाल सरकारले संचालन गरेका विभिन्न गतिविधिहरुमा टेवा पुर्याउन स्थानीय तह, जिल्ला र केन्द्रमा क्रियाशील रहेकाे कार्यक्रमका संयोजक पाण्डेयले बताए। हाल यो कार्यक्रम देशका ७७ वटै जिल्लामा संचालनमा रहेको छ।