अन्तराष्ट्रिय लोक सांस्कृतिक महोत्सवमा आज १३ देशका कलाकारको प्रस्तुति

घोराही, २१ फागुन
घोराहीमा जारी १२ औँ अन्तराष्ट्रिय लोक सांस्कृतिक महोत्सव २०८० मा आज १३ देशका कलाकारहरुको प्रस्तुति रहने भएको छ । ‘पर्यटक कलाकारको स्वागत सत्कार, नेपाली लोक सांस्कतिको आधार’ भन्ने मूल नाराका साथ आयोजना गरिएको अन्तराष्ट्रिय लोकसांस्कृतिक महोत्सवमा सोमवार नेपाल सहित १३ देशका कलाकारहरुको सांस्कृतिक प्रस्तुति रहने आयोजक दाङ जिल्ला उद्योग वाणिज्य संघले जानकारी दिएको छ ।

महोत्सवको चौथो दिन आज नेपाल सहित अष्ट्रिया, बेल्जियम, बोट्रसवाना, ईस्टोनिया, जर्मन, भारत, इजरायल, मलेसिया, पेरु, पोल्याण्ड, दक्षिण अफ्रिका, दक्षिण कोरिया लगायत देशका कलाकारहरुको प्रस्तुति रहने दाङ जिल्ला उद्योग वाणिज्य संघका अध्यक्ष एवं महोत्सव आयोजक मूल समितिका संयोजक बसन्त जोशीले जानकारी दिनुभयोे ।

महोत्सवमा आज नेपाली कला संस्कृति झल्कने लाखे नाच, झाक्री नाच, बंगलाचुलीको भैलो, गढवाको अवधी नाच, कर्णाली प्रदेशको राउटेको कलासस्कृति झल्कने बबईको प्रस्तुति रहने छ । यस्तै विभिन्न जातजातिको कला संस्कृति झल्कने प्रस्तुति पनि रहने छ ।

कार्यक्रम हुनुपूर्व घोराहीमा सम्पूर्ण देशका कलाकारहरुसहित आफ्नो देशको कला संस्कृति झल्ने झाँकी सहित घोराहीमा सांस्कृतिक ¥याली हुने छ । बिहान साढे ८ बजे घोराही बहुश्यीय सभागृहमा जम्मा भएर बालमन्दिर, दामोदर चोक, बैंक रोड, निमाहल रोड, सडक विभाग, विपी चोक, सहिद गेट हुदै भानु चोकमा पुगेर ¥याली समापन हुने दाङ जिल्ला उद्योग वाणिज्य संघका वरिष्ठ उपाध्यक्ष नरेशकुमार श्रेष्ठले जानकारी दिनुभयो । ¥यालीमा कलश सहित पञ्चकन्या, महिला पञ्चेबाजा, आयोजकको ब्यानर, अन्तराष्ट्रिय कलाकारहरु एवं विभिन्न संघसंस्था, जातजातिको झाँकी सहितको सहभागिता रहने छ ।

दाङको विभिन्न पर्यटन तथा व्यवसायिक क्षेत्रहरुमा टेवा पु¥याउने, आर्थिक संकटको बेलामा पनि आर्थिक चलायनमान गराउने, दाङ सहित लुम्बिनी प्रदेशकै कला संस्कृति तथा पर्यटनलाई विश्वसामु परिचित गराउन भूमीका खेल्ने, विभिन्न देशहरुको कला संस्कृतिको जिल्लामै बसेर जिल्लाबासीहरुलाई अवलोकन गराउने लगायतका उद्धेश्य राखेर आयोजना गरिएको अन्तराष्ट्रिय लोकसांस्कृतिक महोत्सवमा प्रवेशकालागी एक सय रुपैयाको टिकट शुल्क निर्धारण गरिएको छ । १३ देशका कलाकारहरुको प्रस्तुति रहने कार्यक्रममा सहभागी हुन दाङ जिल्ला उद्योग वाणिज्य संघका महासचिव महेन्द्र बुढाथोकीले सम्पूर्णमा अनुरोध गर्नुभएको छ ।