बन्द भए दाङका बजारहरु

घोराही, १० चैत

विश्वव्यापी रुपमा फैलिएको कोरोना भाइरस (कोभिड–१९) को संक्रमण रोक्नकालागि दाङका बजारहरु बन्द भएका छन् । घोराही, तुलसीपुर र नारायणपुर बजारहरु सोमवारदेखी अर्को सुचना जारी नभएसम्मकालागि पसलहरु बन्द हुने भएका हुन् ।
दाङ जिल्ला उद्योग वाणिज्य संघ, तुलसीपुर उद्योग वाणिज्य संघ र नारायणपुर उद्योग वाणिज्य संघको सोमवार विहान बसेको आ­आफ्नो बैठकले पसलहरु बन्द गर्ने निर्णग गरेका हुन् । अत्यावश्यक बाहेकका पसलहरु बन्द गर्ने निर्णय गरिएको दाङ जिल्ला उद्योग वाणिज्य संघका अध्यक्ष नारायण भुषालले बताउनुभयो ।

‘अर्को सुचना नभएसम्मकालागि अत्यावश्यक (जस्तैः औषधी, खानेपानी, खाद्यान्य, ग्याँस लगायतका व्यापार व्यवसाय) बाहेकका सम्पूर्ण पसलहरु बन्द गर्न व्यवसायी साथीहरुलाई अनुरोध गरेका छौँ’ अध्यक्ष भुषालले भन्नुभयो­ ‘यदी अन्य वस्तुहरुको आवश्यकता भयो भनृ उद्योग वाणिज्य संघको सम्पर्कमा आउन सम्पूर्णमा अनुरोध गर्दछु । हामी आवश्यकता अनुसार बस्तुगत समितिहरुसँग समन्वय गरेर पसलहरु खोलेर सामान पु¥याउन पहल गछौँ ।’

दाङ जिल्ला उद्योग वाणिज्य संघको सोमवारको बैठकले दुई लाख रुपैयाको राहत कोक्ष पनि स्थापना गरेको छ । यस्तै घोराहीका पाँच स्थानमा सेनिटाईजर सहित साबुन पानीले हात धुने व्यवश्था गर्ने भएको छ ।

नारायणपुर उद्योग वणिज्य संघले पनि आफ्नो क्षेत्रभित्रका पसलहरु बन्द गर्न व्यवसायीहरुलाई आग्रह गरेको छ । सोमवार विहान बसेको बैठकले अत्यावश्यकबाहेकका पसलहरु बन्द गर्ने निर्णय गरेको अध्यक्ष महेन्द्रकुमार दाहालले जानकारी दिनुभयो ।

यस्तै तुलसीपुर उद्योग वणिज्य संघले पनि अत्यावश्यकबाहेकमा सम्पूर्ण पसलहरु बन्द गर्ने निर्णय गरेको छ । अध्यक्ष विरबहादुर रावतको अध्यक्षतामा सोमवार विहान बसेको बैठकले पसलहरु बस्न गर्ने निर्णय गरेको हो । तुलसीपुर उद्योग वणिज्य संघले एक लाखको राहत कोष स्थापना पनि गरेको छ ।
सोमवारदेखी देउखुरीको लमही र भालुवाङ बजार पनि अधिकांश रुपमा बन्द रहेका छन् ।