पत्रकार महासंघ दाङद्धारा स्थापना दिवसका अवसरमा प्रदान गरिने पुरस्कार घोषणा

दाङ । नेपाल पत्रकार महासंघ दाङ शाखाले आफ्नो २७ औं स्थापना दिवसको अबसरमा पत्रकार, सञ्चार माध्यम र अक्ष्यकोषदात्तालाई सम्मान एवं पुरस्कार प्रदान गर्ने भएको छ । नेपाल पत्रकार महासंघ दाङ शाखाको पुरस्कार छनौंट समितिको आइतबार बसेको वैठकले विभिन्न सञ्चार माध्यममाकार्यरत १८ जना पत्रकार, तीन वटा सञ्चार माध्यम र दुई जना अक्ष्यकोषदातालाई पुरस्कार र सम्मान गर्न लागेको हो ।

छनौंट समितिका संयोजक सविन प्रियासनको अध्यक्षत्तामा बसेको वैठकले यस वर्ष प्रतिभा पुरस्कारबाट पत्रकार सुलोचना गौतमलाई पुरस्कृत गर्न लागेको छ । यसैगरी वर्ष उत्कृष्ट पत्रकारिता पुरस्कारबाट पत्रकार शिबु खनाल, महिला सिर्जनशील पत्रकारिता पुरस्कारबाट निरला अर्याल, प्रोत्साहन पुरस्कारबाट अमृता भुसाल र आशिष सुनिल पोख्रेल पुरस्कृत हुन लागेका हुन ।

यसैगरी रोशन स्मृतिपत्रकारिता पुरस्कारबाट पत्रकार सुनिल पोख्रेल, पण्डित लिलाकान्त महरहठ्ठा पत्रकारिता पुरस्कारबाट छबि पुरी, विष्णु भुपेन्द्रेश्वर श्रेष्ठ पत्रकारिता पुरस्कारबाट केदार खत्री, यज्ञ बहादुर बुढाथोकी स्मृति पत्रकारिता पुरस्कारबाट अमरक्षितिज भण्डारी, ओमप्रकाश स्मृतिपत्रकारिता पुरस्कारबाट ऋषि यादव, जितेन्द्रबहादुर शाह स्मृतिपत्रकारिता पुरस्कारबाट चेतन रेग्मी, चिन्तामणि जमुना पोख्रेल स्मृति पत्रकारिता पुरस्कारबाट विष्णु अधिकारी, लोककुमारी स्मृतिपत्रकारिता पुरस्कारबाट उदिराम चौधरी, दुर्ग–टिका स्मृति पत्रकारिता पुरस्कारबाट निराजन डाँगी, शालिकराम सामाजिक सेवापत्रकारिता पुरस्कारबाट प्रदीप पाण्डे, पार्वती स्मृति स्वास्थ्यपत्रकारिता पुरस्कारबाट लक्ष्मण बस्नेत, अकि टुकादेवी स्मृतिपत्रकारिता पुरस्कारबाट गणेश आचार्य, नदिन स्मृति पत्रकारिता पुरस्कारबाट एकराज भण्डारीलाई पुरस्कृत गर्न लागिएको छ ।

पत्रकार महासंघले यसवर्ष स्थापना दिवसका सन्दर्भमा राप्ती समाचार दैनिक, देउखुरी एफएम र दाङ खबर अनलाईन र पुरस्कार अक्ष्यकोष दात्ताहरु शारदा शर्मा र होताराम अधिकारीलाई विशेष सम्मान गर्न लागेको सचिव भुपेन्द्रप्रकाश वलीले जानकारी दिएका छन । पत्रकार महासंघ दाङले स्थापना दिवसको सन्दर्भमा पुस १ गतेदेखि ४ गतेसम्म विभिन्न कार्यक्रमहरु गरि स्थापना दिवस मनाउन थालेको हो । पुस १ गते घोराहीमा रक्तदान, २ गते लमहीमाजनप्रतिनिधिहरुसँग मैत्रीपूर्ण क्रिकेट, ३ गते तुलसीपुरमा निशुःल्क आँखा शिविर र ४ गते घोराहीमा पुरस्कार वितरण तथा शुभकामना आदानप्रदान कार्यक्रम गर्न लागि रहेको छ ।