घोराही, २७ असोज
दाङ उद्योग वाणिज्य संघले सुरु गरेको सदस्यता अभिवृद्धि कार्यक्रमलाई सहयोग गर्ने यस क्षेत्रका बैंकर्सहरुले प्रतिवद्धता व्यक्त गरेका छन् ।
संघले सदस्यता अभिवृद्धि अभियान अन्तरगत घोराही क्षेत्रका बैकका प्रमुखहरुसँगको छलफलका क्रममा उनीहरुले यस्तो प्रतिवद्धता व्यक्त गरेका हुन् ।
संघका अध्यक्ष नारायण भुषालको अध्यक्षतामा भएको कार्यक्रममा बैंकहरुको लगानीलाई सुरक्षीत बनाउने वातावरणकालागी संघले भूमीमा संघले खेल्ने बताईएको थियो ।
कार्यक्रममा संघका निवर्तनमान अध्यक्ष हेमराज बञ्जाडे, ग्लोबल बैंकका बसन्तराज रेग्मी र लक्ष्मी बैकका पदमबहादुर केसी, गुडबिल फाईनान्सका आनन्द पन्थीले भनाई राख्नुभएको थियो ।