प्रमोद बर्मा हत्याको निष्पक्ष छानविनको माग गर्दै दाङमा दबाब जुलुस

घोराही, १० भदौ
नेपाल बैंक बर्दिया शाखाका प्रवन्धक प्रमोद बर्माको रहस्यमय मृत्युको निष्पक्ष छानविनको माग गर्दै आज दाङमा दबाब ¥याली निकालिएको छ । दाङको घोराही उपमहानगरपालिका वडा नम्बर १४ निवासी बर्माको रहस्यमय मृत्यु भएको भन्दै घोराहीमा दबाब ¥याली निकालिएको हो । ¥यालीमा सहभागीहरुले बर्मा हत्याकाण्डको निष्पक्ष छानविन गर, हत्यारालाई कारबाही गर, नागरिकको बाँच पाउने अधिकार सुनिश्चीत गर्, हत्याहिंसा कहिले सम्म हामी चुप जहिले सम्म, पिडीतलाई न्याय दँे जस्ता नारा लगाएका थिए ।

दबाब ¥यालीमा महिला, शिक्षक, विद्यार्थी, बैंक कर्मचारी, पत्रकार, मानवअधिकारकर्मी, व्यवसायी, यातायात व्यवसायी लगायतको सहभागीता रहेको थियो । घोराहीको तुलसीपुर चोकबाट सुरु भएको ¥याली दिपशीखा रोड बाट जिल्ला प्रहरी कार्यालय, जिल्ला प्रशासन कार्यालयबाट सहित गेट हुदै नेपाल बैंक, दामोेदर चोकबाट तुलसीपुर चोकमा आएर सभा भएको थियो ।

कार्यक्रममा नेपाल पत्रकार महासंघ दाङका अध्यक्ष सविन प्रीयासनले पत्रकार पार्वतीलाई गरेको दुःखको यस घडीमा नेपाल पत्रकार महासंघ सधै सँगै भएको भन्दै निष्पक्ष टानविनकालागी दबाब दिईरहेको बताउनुभयो ।

बर्माको हत्या भएको भन्दै श्रीमती पार्वती बस्नेतले किटानी जाहेरी दिनुभएको छ । नेपाल पत्रकार महासंघ दाङका साधारण सदस्य बस्नेतले आफ्नो श्रीमानको हत्या भएको भन्दै दोषीलाई कडा कारबाहीको माग गर्नुभएको छ । साथै उहाँले सबैले आफ्नो क्षेत्रबाट दबाब दिन अनुरोध गर्नुभयो । बर्माको हत्या भएको प्रशस्त आधार हुँदाहुँदै पनि प्रहरी प्रशासनले वेवस्ता गरेको उहाँको भनाई छ ।

साउन २१ गतेदेखी बर्दियाबाट सम्पर्क विहीन हुनुभएका नेपाल बैक बर्दिया शाखा प्रवन्धक बर्माको साउन २३ गते बाँकेको अगैँया जंगलमा झुण्डीएको अवस्थामा शव फेला परेको थियो ।