काठमाडौं ।
लुटपाटमा संग्लन रहेको आरोपमा काठमाडौंबाट मकवानपुर पुगेका तीनजना प्रहरी पक्राउ परेका छन् ।
मकवानपुरको पालुङबाट १ जना असई र २ जना प्रहरी जवान लुटपाट गर्न गएको समयमा पक्राउ परेका हुन् । उनीहरु महानगरीय प्रहरी वृत दरबारमार्ग र महानगरीय प्रहरी कार्यालय रानीपोखरीमा कार्यरत थिए ।
पक्राउ पर्नेमा असई सुरेन बस्याल, जवान हेमकान्त मगर र वीरबहादुर बस्नेत छन् । महानगरीय प्रहरी आयुक्तको कार्यालय रानीपोखरीका डीआईजी विश्वराज पोखरेलले उनीहरु पक्राउ परेको पुष्टि गरे ।
पक्राउ परेका तीनैजना निलम्बनमा परेको र उनीहरुमाथि हदैसम्मको कारवाही गरिने उनले बताए । उनका अनुसार ड्युटी समयपछि उनीहरु लुटपाटका लागि मकवानपुर पुगेको खुलेको छ ।
पोखरेलले भने,“बर्दीको आडमा अपराधमा संग्लनलाई हदैसम्मको कारवाही हुन्छ । अनुसन्धान गरिरहेका छौं ।” उनीहरु हिरा लुट्नका लागि मकवानपुर पुगेको बताइएको छ ।