दाङ,१९ माघ । दाङको लमहीमा जारी छैठाैँ देउखुरी कृषि, पर्यटन तथा व्यापारिक महाेत्सव-२०७९ मा दर्शकको सहभागिता बढ्दै गएको छ ।
`कृषि,पर्यटन,उद्योग र व्यापार देश समृद्धिको आधार´ भन्ने मुल नाराका साथ माघको १२ गतेदेखि लमही-५ स्थीत ग्रीन पार्कमा संचालन भएको महोत्सवमा अवलोकन तथा किनमेलका लागि दर्शकहरूको सहभागी बढदै गएको आयोजकले जानकारी दिएको छ ।
यसैगरी महोत्सवको नवौं दिन माघको २० गते लोक दोहोरी गायिका मन्जु पौडेल, गायिका एलिना चौहान, गायक देवेन्द्र बस्नेत, गायक बिजय पुनलगायतका कलाकारहरुले प्रस्तुति राख्ने भएका छन् ।
देउखुरी उद्योग बाणिज्य संघको आयोजना भएको महोत्सवमा राष्ट्रिय तथा स्थानीय कलाकारहरुले प्रस्तुति दिइरहेका छन ।