घाेराही, २१ साउन
नेपाल बार एशोसियसन जिल्ला बार ईकाइ दाङको अध्यक्षमा मुरली घिमिरे बिजयी भएका छन् । नेपाल डेमाेक्र्याटिक लयर्स एशाेसियसनबाट उमेद्वार बनेका घिमीरे अध्यक्षमा बिजयी भएका हुन् ।
अध्यक्षमा घिमिरे ६७ मत प्राप्त गरेर विजयी भएका छन् भने उनका प्रतिष्पर्धी मेघराज लम्सालको ५९ मत प्राप्त गरेका छन ।
त्यसैगरेर उपाध्यक्षमा घिमिरे प्यानलका किरणकुमार रेग्मी विजयी भएका छन् । उनले ८३ मत प्राप्त गरेका छन भने उनका प्रतिस्पधी लुमवहादुर कार्कीले ४२ प्राप्त गरेका छन् ।
सचिवमा सन्तोष पोख्रेल ७३ मत ल्याएर विजयी भएका छन् । उनका प्रतिष्पर्धी कृष्णप्रसाद आचार्य ५१ मत प्राप्त गरेका छन् । कोषाध्यक्षमा प्रगतिशील प्यानलका भरत न्याैपानेले ६३ मत लिएर बिजयी भएका छन् । उनी प्रगतिशील प्यानलका हुन् । काेषाध्यक्षमा नारायणप्रसाद डाँगीले ६१ मत प्राप्त गरेका छन् ।
सहसचिवमा रेश्मी पाण्डे धिताल ६९ मत ल्याएर विजय हुदा उनका प्रतिष्पर्धी हरि चन्द्राकुमारी ओलीको ५६ आएको छ । त्यसैगरेर सदस्यहरुमा निश्चल हमाल ७४ मत, माधव देवकोटा ६५ मत, तिलकबहादुर केसी ६५ मत, खटकु गिरीले ८२ मत, नारायणप्रसाद रिजाल ८० , विष्णुप्रसाद शर्मा ६७ र डम्वर वुढाथोकी ७९ मत प्राप्त गरेर सदस्यमा विजय भएका छन् । जिल्ला बारमा कुल १ सय ३३ मतदातामा १ सय २७ मत खसेको थियो ।
काेषाध्यक्षबाहेक अन्य पदमा नेपाल डेमाेक्र्याटिक लयर्स एशाेसियसनका उमेद्वारहरू बिजयी भएका छन् ।