घोराही, २९ बैशाख
घोराही उपमहानगरपालिकाको मतगणनास्थलमा फलामको तारजाली लगाइएको छ ।
३० वैशाखमा हुने स्थानीय तह निर्वाचको मतगणना गर्ने ठाउँमा मतको सुरक्षाका लागि फलामको तारजाली लगाइएको हो ।
घोराहीको बहुउद्धेश्य सभागृहमा मतगणना गर्ने तयारी गरिएको छ । मतगणना गर्ने कोठाहरुमा तारजाली लगाईएको छ ।
मतगणना स्थलमा सिसी क्यामरा र फलामको तारजालीको व्यवस्था गरिएको मुख्य निर्वाचन अधिकृत रितेन्द्र थापाले जानकारी दिनुभयो ।
उम्मेदवारका प्रतिनिधिले मतगणना गरेको हेर्न मिल्ने गरी फलामको बारमा जाली हालिएको छ । मतगणना स्थलमा सिसी क्यामरा जडान गरिएको छ ।