निरन्तर सामाजिक क्षेत्रमा यसोदा

नाम– यसोदा पाण्डे
ठेगाना– घोराही उप महानगर पालिका वडा नं १८ फुर्सेखाली

सामाजिक क्षेत्रका क्रियासिल भएको लामो समय भए पनि अहिले उनी उतिकै क्रियासिल रहदै आउनु भएको छ । सामाजिक कार्यमा सहभागि हुन पाउदा खुसी हुने गर्नु भएको छ । उहाले सामाजिक क्षेत्रमा छुट्टै पहिचान समेत वनाइ सक्नु भएको छ । गाउ घरमा सामाजिक संघ संस्था होस या जिल्लाका सामाजिक संघ संस्थामा वसेर काम गरि रहनु भएको छ ।

सामाजिक क्षेत्रमा २०५२ साल देखि क्रियासील रहदै आउनु भएको छ । २०५२ सालमा घोराही १८ मा रहेका सरस्वती महिला सामुदायिक वन उपभोक्ता समुहमा रहेर सामाजिक कार्य गर्नु भएको थियो । उहाले वनमा कोषाध्यक्ष तथा अध्यक्ष भएर समेत काम गरि सक्नु भएको छ । त्यसै गरेर २०५३ सालमा हिला समुह गठन गरेर २०५४ सालमा विधिवत रुपमा एकता महिला विकास बहुउदेश्य सहकारी संस्था दर्ता गर्नेका लागि समेत महत्वपुर्ण भुमिका खेल्नु भएको थियो ।

सहकारी संस्थामा कोषाध्यक्ष, सचिव तथा अध्यक्ष भएर काम गरि सक्नु भएको छ । उहाले संस्थामा अध्यक्ष भएर १० वर्ष काम गर्नु भएको थियो । अहिले संस्थाको सल्लहाकारको रुपमा रहनु भएको छ । संहकारीको क्षेत्रमा जिल्ला सहकारी संघमा पनि वसेर काम गर्नु भएको थियो । जिल्ला सहकारी संघमा ५ वर्ष सम्म महिला सदस्यको रुपमा रहेर संहकारीको माध्यम वाट सामाजिक सेवा गर्नु भएको थियो ।

घोराही खानेपानी संस्थामा कार्य समितीको सदस्य रहेछ खानेपानीको क्षेत्रमा समेत काम गदै आउनु भएको छ । त्यसै गरेर समुदायमा ग्रामिण पशु सेवा कार्य कर्ताको रुपमा २०५४ साल देखि कार्य गदै आउनु भएको छ । जुन हाल पनि जारी राख्नु भएको छ । कृषकका पशु सम्वन्धी सेवा प्रदान गर्नका लागि उहा घर घर सम्म पुग्ने गर्नु भनेको छ ।

सामाजिक क्षेत्र संगै राजनिती क्षेत्रमा समेत उहाको योग्दान महत्वपुर्ण रहेको छ । २०४६ साल देखि राजनितीमा जोडिनु भएको थियो । नेपाली काँग्रेस पार्टीमा आवद्ध भएर उहाले राजनिती मार्फत पनि सामाजिक सेवा गदै आउनु भएको छ । महिला संघ तथा पार्टीको विभिन्न स्थान बाट नेतृत्व गदै आउनु भएको छ । अहिले उहा नेपाली कांग्रेसको प्रदेश प्रतिनिधि र नेपाल महिला संघ क्षेत्र नं २ क को सभापती समेत रहनु भएको छ ।