दाङ,२८ वैशाख । बेलझुण्डीस्थीत कोरोना बिशेष अस्पतालमा पछिल्लो १९ घण्टामा ८ जना कोरोना संक्रमतिको मृत्यु भएको छ । मृत्यु हुनेमा दुई महिला र ६ जना पुरुषहरु रहेका छने ।
अस्पतालमा सोमबार साँझ ८ः ४५ देखि मंगलबार दिउसो ३ः४५ सम्म घोराही, तुलसीपुर, दंगीशरण र गढवा गाउँपालिकाका ८ जनाको मृत्यु भएको अस्पतालका व्यबस्थापक दोर्ण वलीले जानकारी दिएका छन् ।
अस्पतालका व्यबस्थापक वलीका अनुसार तुलसीपुर उपमहानगरपालिकाका ५ जना, घोराही उपमहानगरपालिका, गढवा र दंगीशरण गाउँपालिकाका १ र १ जनाको मृत्यु भएको हो ।
तुलसीपुर उपमहानगरपालिका १७ निवासी ५० बर्षीय महिला, तुलसीपुर १२ निवासी २७ बर्षीय पुरुष , तुलसीपुर ४ निवासी ७० बर्षीया महिला, तुलसीपुर १९ निवासी ५२ बर्षीय पुरुष, तुलसीपुर ६ निवासी ७६ बर्षीय पुरुष, घोराही उपमहानगरपालिका १३ निवासी ४४ बर्षीय पुरुष, गढवा गाउँपालिका ४ निवासी २५ बर्षीय पुरुष र दंगीशरण गाउँपालिका ३ निवासी ३१ बर्षीय पुरुष रहेका छन् ।