घोराही, २४ चैत
दाङ चेम्बर अफ कमर्सले लकडाउनको समयमा फ्रि होम डेलिभरीको सुविधा दिने भएको छ । कोरोना भाईरस (कोभिड१९) को संक्रमण नफैलियोस् भनेर सरकारले घोषणा गरेको लकडाउनको समय अवधिभर घोराही क्षेत्रमा अत्यावश्यक सामाग्रीहरु माग अनुसार फ्रि होम डेलिभरीको सुविधा दिने बताएको छ ।
घोराही १५ मा रहेको एक कल समस्या हलसँगको सहकार्यमा सोमवारदेखी फ्रि होम डेलिभरीको सुविधा दिन सुरु गरिएको दाङ चेम्बर अफ कमर्सका संस्थापक अध्यक्ष दिपक सुवेदीले जानकारी दिनुभयो । फोनको आधारमा फ्रि डेलिभरीको सुविधा दिने उहाँले जानकारी दिनुभयो ।
खाद्यान्य सामाग्री, तरकारी तथा फलफुल र मासु तथा अण्डाहरु डेलिभरीको सुविधा दिईने उहाँले बताउनुभयो । घोराही मुख्य बजारदेखी ६ किलोमिटरसम्मका् दुरीमा सेवा प्रदान गरिने उहाँले बताउनुभयो । फोनको आधारमा होम डेलिभरी सुविधा दिदा गाडीभाडा र स्टाफ खर्चको भार ग्राहकहरुलाई नपर्ने भएकाले फोन अर्डरको व्यवस्था गरिएको सुवेदीले जानकारी दिनुभयो ।
जसकालागि ९८०१३५३८८७ र ९८१०८९११३८ मा फोन गरेर अर्डर गर्न सकिने दाङ चेम्बर अफ कमर्सका अध्यक्ष श्रीधर महराले जानकारी दिनुभयो । यसका साथै https://www.facebook.com/EK-CALL-Samasya-HALL-1730163337253463 मा लग ईन गरेर पनि अनलाईन अर्डर गर्न सकीने उहाँले बताउनुभयो । डिजीटल भुक्तानी गर्ने ग्राहकहरुलाई १ प्रतिशत छुतको व्यवस्था गरिएको महराले जानकारी दिनभुयो ।
चेम्बरले मुल्य सुचीपनि सार्वजनिक गरेको छः