तीन महिनामा ९१७ जनाको मात्र कोरोना परीक्षण

काठमाडौ ।

राष्ट्रिय जनस्वास्थ्य प्रयोगशालामा तीन महिनाको अवधिमा कोरोनाको आशंकामा ९१७ जनाको नमुना परीक्षण गरिएको स्वास्थ्य तथा जनसंखया मन्त्रालयले जनाएको छ ।

मन्त्रालयले आइतबार गरेको पत्रकार सम्मेलनमा प्रवक्ता डा. विकास देवकोटाले आजसम्म कोरोनाको आशंकामा ९ सय १७ जनाको नमुना संकलन गरेर परीक्षण गरिएको बताए ।

उनले पाटन अस्पतालमा ६ जना र कान्ति बाल अस्पतालमा एकजना भर्ना गरिएको उनले जानकारी दिए ।

चीनको वुहानमा २०१९ डिसेम्बर अन्तिममा देखिएको कोरोना भाइरसको पहिलो बिरामी नेपालमा जनवरी मध्यतिर देखिएको थियो । चीनबाट फर्किएका ती विद्यार्थीको अवस्था अहिले सामान्य रहेको बताइएको छ ।