घोराही, २० असोज
कुटपीटबाट दाङमा एक जनाको मृत्यु भएको छ । आपसी विवाद हुदाँ कुटपीटबाट एक युवाको मृत्यु भएको प्रहरीले जानकारी दिएको छ ।
आज सोमवार दिउसो करिब पौने १ बजे जिल्ला दाङ घोराही उपमहानगरपालिका वडा नं। १५ शुष्मारोड बस्ने ३२ वर्षका ईन्द्रबहादुर रावत लाई घोराही ५ बसन्तापुर निवासी १९ वर्षका राजकुमार के।सीले बासको चिरपटले हान्दा केसीको मृत्यु भएको जिल्ला प्रहरी कार्यालय दाङका पप्रवक्ता प्रहरी नायव उपरिक्षक विनोदविक्रम शाहले जानकारी दिनुभयो ।
मादक पदार्थ सेवन गरी दुुई जनाबीच विवाद भएको र एक आकआपसमा विवाद हुदाँ केसीले रावतलाई टाउकोमा हानेको र रावतको घटना स्थलमै मृत्यु भएको उहाँले जानकारी दिनुभयो ।
शव पोष्टमाटमकालागी राप्ती स्वास्थ्य विज्ञान प्रतिष्ठान घोराहीमा पठाइएको प्रहरीले जानकारी दिएको छ ।
कुटपीट गर्ने केसीलाई प्रहरीले नियन्त्रणमा लिएर थप अनुसन्धान भईरहेको शाहले बताउनुभयो ।