RaptiSandesh RaptiSandesh
दाङ, २९ वैशाख
लोकदोहोरी गायिका भुमीका गिरीले अग्नी पिडीत परिवारलाई नगद सहयोग गर्नुभएको छ ।
दाङको राजपुर गाँउपालिका १ पटौदी नाकाका अग्नीपिडीत गगन बस्नेतको परिवारलाई गायिका तथा मोडल भूमीका गिरीले नगद १० हजार सहयोग गर्नुभएको हो ।
बस्नेतको घरमा करिब १ हप्ता अगाडी आगलागी हुँदा ५ वटा बाख्रा लगायत खाद्यान्य सहित सम्पूर्ण सामाग्री जलेर नष्ट भएको छ ।
बस्नेत परिवारलाई सहयोग गरेपछि गायिका गिरीले दुःखमा परेको यो परिवारलाई सहयोग गर्न सम्पूर्णमा अपील पनि गर्नुभएको छ ।
दाङको देउखुरी घर भएकी गायिका गिरीले यसअघी पनि विभिन्न व्यक्तीहरुलाई सहयोग गर्दै आउनुभएको छ ।
दुःखमा परेका व्यक्तीहरुलाई सहयोग गर्न आफू साह्रै नै उत्साहित हुने भएकाले केही सहयोग गर्नुपर्छ भन्ने उद्धेश्यकासाथ आफूले सहयोग गरेको उहाँले बताउनुभयो ।
सामाजिक क्षेत्रमा काम गर्न पाउदा आँफू साह्रै नै खुशी हुने गरेको गायिका तथा मोडल गिरीको भनाई छ ।
