दाङ प्रहरी प्रमुख एसपी दुर्गा सिंहको सरुवा, सिंहको ठाँउमा शर्मा आउदै

दाङ, १६ साउन

प्रहरी प्रधान कार्यालयले प्रहरी उपरिक्षकहरुको सरुवा गरेको छ । जस अन्तरगत जिल्ला प्रहरी कार्यालय दाङमा कार्यरत प्रहरी उपरिक्षक दुर्गा सिंहको पनि सरुवा भएको छ ।

प्रहरी प्रधान कार्यालयले निकालेको सरुवा अनुसार महानगरिय प्रहरी कार्यालय ईन्टेलिजेन्स महाशाखा रानीपोखरी सरुवा भएको छ । उनको स्थानमा प्रहरी उपरिक्षक कृष्णहरि शर्मा पोखरेल आउनुहुने भएको छ । केन्द्रिय अनुसन्धान ब्यूरो ईन्टेलिजेन्स महाशाखाबाट सरुवा भएर पोखरेल दाङ आउन लाग्नुभएको हो ।

एक वर्षसम्म दाङ जिल्लाको प्रहरी प्रमुख भएर जिम्मेवारी सम्हाुभएका एसपी दुर्गा सिंहले अपराध नियन्त्रणमा विशेष भूमीका खेल्नुभएको छ । एक वर्षको समयमा भएका महत्वपूर्ण निर्वाचन सम्पन्न गर्नकालागि सुरक्षा क्षेत्रमा एसपी सिंहको महत्वपूर्ण भूमीका रहेको छ ।

उहाँको कार्यकालमा नै जिल्ला प्रहरी कार्यालय दाङको परिसरमा सिनियर प्रहरी अधिकृत(प्र.ना.उ..र प्र.नि) को निवासकालागि समुदायको सहयोगमा आठ कोठे दुईवटा भवन निर्माण गरिएको छ । यसका साथै ईप्रका भालुवाङको भवन पनि निर्माण गरिएको छ ।

यस्तै जिल्ला प्रहरी कार्यालय दाङका कार्यरत प्रहरी नावय उपरिक्षक रामप्रसाद घर्तिको पनि सरुवा भएको छ । सशस्त्र प्रहरी गण प्रदेश नम्बर ५ कोहलपुरमा सरुवा भएको छ । संघीय प्रहरी ईकाई कार्यालय राप्तीमा दरबन्दी रहेका घर्ति जिल्ला प्रहरी कार्यालय दाङका कार्यरत थिए ।

यस्तै जिल्ला प्रहरी कार्यालय दाङका दरबन्दी रहेका प्रहरी नावय उपरिक्षक भुवनेश्वर तिवारीको जिल्ला प्रहरी कार्यालय पर्वतमा सरुवा भएको छ ।