Home / Feature Breaking news / उपराष्ट्रपतिमा नन्दबहादुर पुन निर्विरोध

उपराष्ट्रपतिमा नन्दबहादुर पुन निर्विरोध

काठमाडौं,३ चैत । उपराष्ट्रपति नन्दबहादुर पुन दोस्रो कार्यकालका लागि निर्विरोध भएका छन् ।
उपराष्ट्रपतिमा उनको मात्र उम्मेदवारी परेको हो । तर, निर्विरोध निर्वाचित भएको भोलि आइतवार मात्र घोषणा हुनेछ । दावी विरोध लगायतका प्रक्रिया पुरा भएपछि मात्र निर्विरोध भएको घोषणा हुने उपराष्ट्रपतिको निर्वाचन कार्यालयले जनाएको छ ।

पुनले राष्ट्रिय सार्वभौमिकता, अखण्डताका र संविधानको संरक्षण एव पालनाका लागि कटिबद्ध हुने बताए ।

अघिल्लो कार्यकालमा सबै जनता, संघसंस्था र कुटनीतिक नियोकहरुसंग सुमधुर सम्बन्ध कायम राख्न सफल भएको भन्दै उनले आगामी कार्यकालमा पनि नेपालको विकासको निमित्त असल सम्बन्ध कायम राख्ने बताए ।

पुनको प्रस्तावकमा नेकपा एमालेका नेता सुवास नेम्बाङ, भानुभक्त ढकाल, परशुराम मेघि गुरुङ्ग माओवादी नेतृ पम्फा भुुसाल, रेखा शर्मा छन् । यस्तै समर्थकमा माओवादी केन्द्रका नेताहरु देव गुरुङ्ग, ओनसरी घर्ती, जयपुरी घर्ती, राम नारायण बिडारी र राजेन्द्रप्रसाद गौतम छन् ।

कांग्रेसले उम्मेदवारी दिएन

राष्ट्रपतिमा प्रतिस्पर्धा गरेको प्रमुख विपक्षी दल कांग्रेसले उपराष्ट्रपतिमा भने उम्मेदवारी दिएन ।

कांग्रेस नेता मीन विश्वकर्माले भने, ‘राष्ट्रपति विद्या भण्डारीले संवैधानिक सीमा उल्लंघन गर्नुभयो र तटस्थता कायम राख्नसक्नु भएन, त्यसैले आफ्नो असहमति जनाउन उम्मेदवारी दिएका थियौं । अरुको हकमा सहमतिको पक्षमा छौं ।’

Leave a Reply

Your email address will not be published. Required fields are marked *

*