लाईसेन्सविना चलाईएका १७ मोटरसाईकल पक्राउ, चालकमध्य ११ जना विद्यार्थी पोशाकमा

घोराही, २२ साउन
सवारी चालक अनुमतिविना चलाएका मोटरसाईकलहरु ट्राफिक प्रहरीले आज नियन्त्रणमा लिएको छ । घोराही बजार क्षेत्रमा सवारी चालक अनुमति पत्र नभएका १७ वटा मोटरसाईकलहरु आज आईतवार नियन्त्रणमा लिएर कारबाही गरेको ट्राफिक प्रहरीले बताएको छ ।

चेकीङको क्रममा सवारी चालक अनुमति विना चलाने चालकमा विशेष गरि विद्यार्थीहरु रहेको जिल्ला ट्राफिक कार्यालय दाङका प्रमुख प्रहरी निरिक्षक ओमप्रकाश वाग्लेले जानकारी दिनुभयो । लाईसेन्सबिना चलाएका १७ चालकमध्य ११ जना विद्यार्थी ड्रेसमा रहेको पनि वाग्ले बताउनुभयो ।

पक्राउ गरिएका मोटरसाईकलहरु १÷१ हजार जरिमाना सहित अभिभावककोे जिम्मा लगाईएको जिल्ला ट्राफिक प्रहरी कार्यालय दाङले जानकारी दिएको छ ।