एकान्त टोल बिकास संस्थाको अध्यक्षमा गौतम

दाङ, १२ साउन
दाङको घोराही उपमहानगरपालिका वडा नं १५ भरतपुर स्थित एकान्त टोल बिकास संस्थाको आज बिहिवार सम्पन्न भेलाले शंकर गौतमको अध्यक्षतामा नयाँ कार्य समिति सर्वसहमतिले चयन गरेको छ ।
नवगठित कार्य समितिको उपाध्यक्षमा शिवा शर्मा, सचिवमा हेमराज शर्मा, कोषाध्यक्षमा शरदकुमार आचार्य र सहसचिवमा ऋषिराज अधिकारी रहनु भएको छ । समितिको सदस्यहरुमा केशव खनाल, मुना पोख्रेल, हेमराज अधिकारी, आशा सुवेदी,इन्द्रमणि अधिकारी र जानका घर्ति रहनु भएको छ ।
एकान्त टोलका अध्यक्ष शुसील आचार्यको अध्यक्षतामा सम्पन्न भेलामा संस्थापक अध्यक्ष लोकराज आचार्य, सचिव टंकेश्वर सुवेदी, कोषाध्यक्ष केशवराज पोख्रेल, शंकर गौतम, शिशिर अधिकारी,भेषराज खत्री लगायतकाले बोल्नु भएको थियो । भेलाले एकान्त टोलभित्र रहेका बस्तीमा गर्नुपर्ने बिकास निर्माणका कार्यहरु वडा समिति मार्फत आसन्न नगरपरिषदमा पेश गर्ने निर्णय पनि गरेको छ । टोलमा गर्नु पर्ने कामलाई प्राथमिकिकरण गरी नगरपरिषदमा पठाउन भेलाले कार्य समितिलाई निर्देशन गरेको छ ।