RaptiSandesh RaptiSandesh
घोराही, ३० असार
दाङका निर्माण व्यवसायी रणबहादुर घर्तिको हत्याको विरोधमा घोराहीमा मौन जुलुस निकालिएको हो । जलुसमा सहभागीहरुले हत्यारालाई हदैसम्मको कारवाही, श्रीमतिलाई रोजगारको ग्यारेन्टी र छोराहरुलाई स्तरिय शिक्षाको माग गरिएका प्ले कार्ड बोकेका थिए ।
जुलसमा परिवारका सदस्यहरुको सहभागीता रहेको थियो भने व्यापारी, युवा एवं महिलाहरुको स्वतस्फूर्त रुपमा सहभागीता रहेको थियो । ट्राफिक चोकबाट सुरु भएको जुलुस जिल्ला प्रशासन कार्यालय पुगेर आधा घण्टा धर्ना दिएको थियो ।
तुल्सीपुरका व्यापारी राजकुमार श्रेष्ठसँगै अपहरणमा परेका रणबहादुरको पनि हत्या गरिएको थियो । जेठ २६ गते अपहरण भएका रणबहादुरको ३ दिनपछि अपहरणकारीहरुले हत्या गरेका थिए । घर्तिको शव सल्यानको झिम्पे जंगलमा हिजो भेटिएको थियो । उनको शव राप्ती उपक्षेत्रीय अस्पताल घोराहीमा रहेको छ ।
अन्य तस्वीरहरुः
